Tshisangilu tshia ku tshidimu tshia mu dia 2 Kasuamansense 1999

TSHISANGILU TSHIA KU TSHIDIMU tshia bena mu Watch Tower Bible and Tract Society of Pennsylvania netshienzeke mu dia 2 Kasuamansense 1999, mu Nzubu wa Mpuilu wa Bantemu ba Yehowa, mu Boulevard Kennedy nimero 2932, ku Jersey City, mu New Jersey. Tshisangilu tshia kunzulula natshi tshialu netshituadije pa dîba 9 ne minite 15 mu dinda anu bua bena mu Société, pashishe nekulonde tshisangilu tshinene tshia ku tshidimu pa dîba 10 mu dinda.

Bena mu Société badi ne bua kumanyisha Biro bia Sekretere bituadije ku mpindieu bua dishintuluka kayi dionso dia adrese ivuabu nayi tshidimu tshishale bua mabeji a dibikilangana nawu a pa tshibidilu ne formilere ya kuuja yadianjilabu kutuma bibafikile mu Kashipu.

Formilere yatuminabu bena mu Société pamue ne mabeji a dibikilangana nawu bua tshisangilu tshia ku tshidimu, badi ne bua kubipingaja bua bifike ku Biro bia Sekretere wa Société kumpala kua dia 1 Tshimungu. Muena mu Société yonso udi ne bua kuuja ne kupingaja formilere wende ne lukasa luonso, ushindika bikalaye mua kubuela anyi kayi mua kubuela mu tshisangilu etshi. Mamanyisha mafila mu formilere yonso ki nga dishintulula nansha, bualu neambuluishe bua kujadika bungi bua bantu bikalapu.

Tudi batekemene se: ndongamu mujima, kusangisha ne tshisangilu tshia dikonkonona konte ne luapolo, nebijike pa dîba 1 mu mapingaja anyi katupa kakese kunyima. Ndongamu mukuabu kakuikalaku mu mapingaja nansha. Bua bungi bukese bua miaba, nebikengele amu kuleja dibeji dia dibikila bua kubuela. Kabakulongolola bua kuteleja ndongamu wa tshisangilu etshi tshia ku tshidimu ku nshinga nansha.