Mu Bukalenge bua Nzambi, bantu “nebikale ne disanka dipite bungi mu ditalala divule.”—Misambu 37:11, NWT.
Ntshinyi tshidi Bible wamba?
Bible udi mua kukuambuluisha bua kupita bimpe ne ntatu anyi?
Udi mua kuandamuna bishi?
Eyowa
Tòo
Pamuapa
Tshidi Bible wamba
‘Nupuile Nzambi ntatu yenu yonso, bualu udi uditatshisha bua bualu buenu.’ (1 Petelo 5:7) Bible udi ufila dishindika dia ne: Nzambi udi mua kukuambuluisha bua kupeta disulakana ku ntatu yebe.
Mmalu kayi makuabu atudi tulonga mu Bible?
Wewe usambila, udi mua kupeta “ditalala dia Nzambi” didi dituyisha ntatu.—Filipoyi 4:6, 7.
Kubala kabidi Dîyi dia Nzambi kudi mua kukuambuluisha bua kutantamena kanyinganyinga.—Matayi 11:28-30.
Ntatu neyijikaku dimue dituku anyi?
Bamue bantu badi bamba ne: ntatu ne tunyinganyinga mmalu a mu nsombelu wa bantu, padi bakuabu bamba bobu ne: ntatu yetu neyijike anu patudi tuya muaba mukuabu panyima pa lufu luetu. Wewe udi wela meji kayi?
Tshidi Bible wamba
Nzambi neumbushe tshintu tshionso tshidi tshikebesha ntatu. “Lufu kaluakuikalaku kabidi, nansha madilu, nansha miadi, nansha bisama kabiakuikalaku kabidi.”—Buakabuluibua 21:4.
Mmalu kayi makuabu atudi tulonga mu Bible?
Mu Bukalenge bua Nzambi, bantu nebasombe mu ditalala ne bupole.—Yeshaya 32:18.
Katuakuvuluka kabidi ntatu ne tunyinganyinga bidi bitutatshisha lelu.—Yeshaya 65:17.