Tungunuka ne “kuenza malu mimpe”
1 Uvua muenze bualu buimpe dîba diwakalua musadidi wa Yehowa Nzambi. Kadi mpindieu mvita mikole idiku mu tshikondo etshi tshia malu makole nya kutungunuka ne “kuenza kua malu mimpe.” (Gal. 6:9) Nansha mudibi bilomba kudienzeja bikole, udi anu mua kufika ku dienza nanku. Mmushindu kayi?
2 Ikalayi ne meji avua nawu Yezu: Udi mua kutantamena ntatu bu muakenza Yezu, wewe mutuishile mêsu pa ditekemena dia Bukalenge. (Eb. 12:2, 3) Wikale mumanye ne: Yehowa mmukunange ne mmusue bua wewe kupeta diakalenga. (2 Pet. 3:9) Umueyemene ne muoyo webe mujima, mutekemene se: yeye neakuambuluishe. (1 Kol. 10:13) Unanukile ne kusambila, ulombe Yehowa bua akuambuluishe bua kunanukila. (Lomo 12:12) Wikale ne disanka mumanye ne: ditantamana diebe nedikufikishe ku nsombelu udi usankisha Nzambi. (Lomo 5:3-5) Wewe muikale ne lulamatu mu dikeba bua kuikala ne ‘meji amue bu avua nawu Kristo Yezu’ neupete disanka ne neusankishe mutshima wa Yehowa.—Lomo 15:5; Nsu. 27:11.
3 Tungunuka ne kuenza malu adi makane: Keba bua kudikuatshisha bikole ne bionso bidi Yehowa mulongoluele bantu bende bua kubambuluisha bua batungunuke ne kuenza malu mimpe. Wikale ne tshibidilu tshia kudibadila Dîyi dia Nzambi ne kudilongela mikanda ya mupika wa lulamatu ne wa budimu. Wikale ulongolola bisangilu bionso bia tshisumbu, ubuelamu ne wandamuna kabidi. Ikala uyikila ne bena Kristo nebe bakuabu kumpala ne kunyima kua bisangilu. Bua wewe kuenza mudimu wa buambi biakane ne bua kulongolola mushindu webe wa diakula kumpala kua bantu, ikala ne bipatshila bikumbane.
4 Eu ke mushindu uudi mua kutungunuka ne kuenza malu mimpe ne kuikala kabidi ne disanka dîba dionso. Bua bualu ebu, muanetu mukuabu wa mu ditunga dia Italie wakamba ne: “Pandi mpingana kumbelu dilolo mumane kuenza mudimu wa Yehowa dituku dijima, ndi ndiumvua mutshioke. Kadi ndi ne disanka, ne ndi ngela Yehowa tuasakidila bua mudiye mumpeshe disanka didi muntu kayi mua kunyenga to.” Nunku, tungunukayi ne kuenza malu adi mimpe, nenupete penu disanka dia bungi.