Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lum.

“Udiku wela meji ne: dimue dituku newikale ne nsombelu wa buena udibu baleje mu mvese eu anyi? [Bala 2 Petelo 3:13. Pashishe lekela muntu andamune.] Tshibejibeji etshi tshidi tshileja tshidi diulu dipiadipia ne buloba bupiabupia biumvuija. Tshidi tshileja kabidi muikala nsombelu mushilangane ne utudi nende eu pakumbaja Nzambi tshivuaye mufukile buloba.”

Réveillez-vous! Lum.

“Bamue bantu badi bamba ne: bua kuikala muntu wa nsongo pa buloba apa, bidi bikengela kuikalaku ne tshikisu. Kadi tangila tshivua Yezu yeye muambe: [Bala Matayo 5:5, 9.] Udi pebe witaba ne: tshidi Yezu muambe etshi ntshilelela anyi? [Lekela muntu andamune.] Tshibejibeji etshi tshidi tshileja malu mimpe asatu adi muntu upeta padiye muntu wa ditalala.” Leja tshiena-bualu tshidi mu dibeji dia 28.

Tshibumba tshia Nsentedi 1 Kab.

“Mu matunga a bungi, kale bantu bavua banemeka bakulakaje anu bu mudi mukenji wa kale eu uleja. [Bala Lewitiki 19:32.] Kadi lelu udiku umona ne: bantu batshitu amu banemeka bakulakaje anyi? [Lekela muntu andamune.] Tshibumba tshia Nsentedi etshi tshidi tshileja mushindu udi Nzambi utabalela bakulakaje ne mutudi petu mua kumuidikija.”

Réveillez-vous! Kab.

“Terorisme anyi tshinyangu ntshituadije kale, kadi lelu’eu ntshituangaje ntengu yonso inayi ya buloba ne tshidi tshikengeshisha bantu bapite bungi. Buebe wewe, mbienzeke nanku bua tshinyi? [Lekela muntu andamune.] Réveillez-vous! eu udi uleja ne mvese ya mu Bible muikala tshinyangu ne bua kujika ne muikala Nzambi mua kubueja ditalala dilelela pa buloba.” Bala Mika 4:4.