Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/1

“Udiku wela meji ne: buloba buvua mua kuikala muaba muimpe menemene bu bantu bonso batumikila tshidi Mukanda wa Nzambi wamba etshi anyi? [Bala Lomo 12:18. Lekela muntu andamune.] Ukadiku mudiebeje tshivua Nzambi witabila imue misangu bena Isalele bua kuluangana mvita anyi? Tshiena-bualu etshi tshidi ne diandamuna didi Bible ufila.” Leja muntu tshiena-bualu tshidi mu dibeji dia 13.

Réveillez-vous! Ngondo wa 1

Bala Bienzedi 17:31a. Pashishe wambe ne: “Bantu ba bungi batu bumvua buôwa padibu bumvua bakula bua Dituku dia dilumbuluisha. Utu pebe umvua tshinyi bua dituku edi? [Lekela muntu andamune.] Mukanda wa Nzambi udi wamba ne: mu Dituku dia dilumbuluisha, malu malenga a bungi neikale pa buloba apa. Tshiena-bualu etshi tshidi tshiumvuija bualu abu.” Leja muntu tshiena-bualu tshidi mu dibeji dia 10.

Tshibumba tshia Nsentedi 1/2

“Bantu ba bungi mbatekemene bua kuya mu diulu padibu bafua. Ditekemena adi ditu dikusankisha pebe anyi? [Lekela muntu andamune.] Tangila tshidi Bible wamba bua difutu dikale bantu bimpe ba bungi mua kupeta. [Bala Musambu wa 37:29.] Tshibumba tshia Nsentedi etshi tshidi tshikonkonona tshidi Bible wamba bua bantu baya mu diulu ne tshidibu baya kuenzamu.”

Réveillez-vous! Ngondo 2

“Lelu mabaka adi afua bikole. Udiku wela meji ne: balume ba bungi ne bakaji babu batu bakonkonona malu onso kumpala kua kushipa dibaka anyi? [Lekela muntu andamune. Pashishe bala Nsumuinu 14:15.] Tshibumba tshia Nsentedi etshi tshidi tshileja malu anayi adi balume ne bakaji ne bua kukonkonona kumpala kua bobu kushipa dibaka.”