Tuakajayi mishindu yetu ya kuyisha: Kuambuluisha utudi tuyisha nende
Bua tshinyi bidi ne mushinga: Yezu uvua mumanye mudi kuyisha ku luseke lua muntu mukuabu ne mushinga. Ke bualu kayi, pakatumaye bayidi bende 70 bua kuyisha, wakabatuma babidi babidi. (Luka 10:1) Muntu muibidi udi mua kuambuluisha mukuende padiye upeta lutatu anyi padiye kayi mumanye tshia kuambila muntu udibu bayisha. (Muam. 4:9, 10) Udi mua kulondela mukuende malu anyi imue misangu kumupesha mibelu bua kuakajaye nyishilu wende. (Nsu. 27:17) Udi kabidi mua kumukankamija ne miyuki mimpe padibu bumbuka ku nzubu umue baya ku mukuabu.—Filip. 4:8.
Tshitudi mua kuenza mu ngondo eu:
Nuenu bamane kujikija kuyisha, ambila mukuenu malu adiye muambe anyi muenze adi makuambuluishe.