Mua kumvuija malu atudi tuitaba bua tshidimu tshia 1914

Bible udi utukankamija bua kuikala ‘badilongolole’ bua kumvuija malu atudi tuitabuja, ‘tuenza nunku ne bupole ne kanemu kakole.’ (1 Pet. 3:15) Bushuwa, bidi mua kumueneka bikole bua kumvuija malongesha manene a mu Bible, bu mudi dia mushindu utudi bamanye ne: Bukalenge bua Nzambi buakatuadija kukokesha mu 1914. Bua kutuambuluisha, mbatulongoluele tshiena-bualu tshia bitupa bibidi tshia ne: “Muntu uyukila ne Ntemu wa Yehowa: Bukalenge bua Nzambi mbutuadije kukokesha tshidimu kayi?” Biena-bualu ebi bidi mu Tshibumba tshia Nsentedi tshitudi tufila mu buambi mu ngondo wa 10 ne mu ngondo 11. Paudi ukonkonona biena-bualu ebi, wenze mudimu ne nkonko idi ilonda eyi bua bidi bitangila mushindu udi Cameron, muambi wa lumu luimpe udibu batele mu biena-bualu abi uyisha.

Mmushindu kayi udiye . . .

• wela muntu kalumbandi bua kupetanganabu bimpe?​—Bien. 17:22.

• uleja budipuekeshi padiye umvuija malu adiye witabuja?​—Bien. 14:15.

Bua tshinyi bivua bimpe pavuaye . . .

• wambulula ku musangu ne ku musangu mu tshikoso malu akavuaye muambe kumpala kua kuya ku malu makuabu?

• wikisha ku musangu ne ku mukuabu ne webeja muntu uvuaye uyukila nende bua kumanya ni uvua mumvue malu akavuaye mumumvuije?

• kayi mukebe bua kumvuija malu a bungi anu musangu umue?​—Yone 16:12.

Tudi ne dianyisha kudi Yehowa, “Muyishi” wetu munene, bua mudiye utulongesha mua kumvuija bimpe bantu badi bajinga kumanya malongesha manene a mu Bible.​—Yesh. 30:20.