Mudimu wa diabanya mabeji a dibikila bua mpungilu

Tshidimu tshionso tutu tusanka bua biakudia bia mu nyuma bitutu tupeta mu mpungilu yetu ya rejon. Netubikile bantu bakuabu ba bungi bua balue kubuela netu mu mpungilu bua kulabulabu pabu buimpe bua Yehowa. (Ms 34:8) Kasumbu ka bakulu nekaleje mushindu muimpe wa kuabanya mabeji a dibikila aa.

MALU A KUMANYA

• Tshisumbu tshietu netshienze mpungilu dîba kayi?

• Netutuadije kufila mabeji a dibikila mu teritware wetu dituku kayi?

• Ndîba kayi didibu balongolole bisangilu bia mudimu wa buambi mu tshisumbu tshietu?

• Mbipatshila kayi bindi mudifundile bua mudimu wa difila mabeji a dibikila?

• Mbantu kayi bandi mulongolole bua kubikila?

NEWAMBE TSHINYI?

Wewe mumane kuela muntu muoyo munutu nuwelangana, udi mua kuamba ne:

“Tudi tuenda tubikila bantu mu tshibilu tshia mushinga mukole tshidi tshienzeka pa buloba bujima. Matuku a ngondo, dîba ne muaba mbileja mu dibeji dia dibikila edi. Wewe mulue netusanke bikole.”

MUA KUKOLESHA DIJINGA DIA MUNTU

Nansha mutudi basue kubikila bantu ba bungi mu mpungilu, tudi ne bua kumanya mua kukolesha dijinga didi muntu uleja.

Mu Disambombo, udi mua kufila tshibejibeji pamue ne dibeji dia dibikila.