Programe ya bumpanda-njila bua pa tshibidilu

Bumpanda-njila bua pa tshibidilu budi bulomba kuikala ne programe muimpe. Wewe uyisha mêba 18 ku lumingu, udi mua kulua mpanda-njila, ne kushala ne dîba dia kuikisha. Programe wa nunku udi mua kukuambuluisha nansha koku kumueneke bipumbishi, bu mudi masama anyi mvula. Tablo udi kuinshi eku udi ne ngenyi idi mua kuambuluisha bamanyishi batu ku midimu yabu amue matuku a lumingu anyi lumingu lujima, badi basama peshi batu mubidi utatshisha. Nuenu bakaje amue malu mu dîku dienu, umue wa kunudi udi mua kulua mpanda-njila mu ngondo wa 9. Kanuenaku mua kubuyukila mu ntendelelu wenu wa mu dîku anyi?