Diulu dipiadipia ne buloba bupiabupia nebisankishe bantu bikole

Mulayi wa Nzambi wa diakajilula malu udi mu Yeshaya nshapita wa 65 mmulelela menemene bualu Yehowa udi wakula bualu buawu bienze anu bu ne: udi munkatshi mua dikumbana.

Yehowa udi ufuka diulu dipiadipia ne buloba bupiabupia muikala malu a kale kaayi mua kuvuila kabidi bantu mu lungenyi

65:17

Diulu dipiadipia ntshinyi?

• Mmbulamatadi mupiamupia wapetesha bantu nsombelu muakane pa buloba

• Bavua bamujadike mu 1914 pakatekabu Yezu mu nkuasa bu Mukalenge wa Bukalenga bua Nzambi

Buloba bupiabupia ntshinyi?

• Mbantu ba matunga onso, miakulu yonso ne makoba onso badi bakokela bukokeshi bua mbulamatadi mupiamupia wa mu diulu ne disanka dionso

Mmunyi muikala malu a kale kaayi mua kuvuila kabidi bantu mu lungenyi?

• Makenga a ku mubidi ne a mu lungenyi atu avuluijangana bikondo bibi kaakuikalaku kabidi to

• Bantu ba lulamatu nebikale ne nsombelu wa disanka ne nebikala bavuluka malu mimpe a ku dituku ne ku dituku