Nubakidile ne disanka

Kuakidila banganyi ne disanka? Yonso udi ubuela mu bisangilu bietu, mmumue ne: bantu bapiabapia ne balunda betu ba kale. (Lom 15:7; Eb 13:2) Udi mua kuikala Ntemu mufume mu ditunga dikuabu anyi muanetu ukadi mulekele bisangilu kadi muluemu kabidi panyima pa bidimu bia bungi. Elabi meji muudi mua kudiumvua wewe mu nsombelu yonso eyi. Kuakuanyishaku bakuele muoyo wa disanka anyi? (Mat 7:12) Biobi nanku, kuenaku mua kudienzeja bua kuya ku Nzubu wa Bukalenge ne kuela bana betu muoyo kumpala ne panyima pa bisangilu anyi? Kuenza nanku kudi kufila disanka ne kutumbisha Yehowa. (Mat 5:16) Bushuwa, katuakufika anu ku diyukila ne muntu yonso pa nkayende to. Tshidibi, tuetu benze tshietu tshitudi mua kuenza, yonso wa kutudi neadiumvue bimpe.a

Mbimpe tuikale bakididi ba benyi dîba dionso, kabiyi anu mu bikondo bia pa buabi bu mudi tshia Tshivulukilu to. Tuetu tuleja bapiabapia dinanga dia buena Kristo mu tshienzedi, bidi mua kubasaka bua kutumbisha Nzambi ne kudisangisha netu mu ntendelelu mukezuke.—Yne 13:35.