TUIKALAYI NE NSOMBELU WA BUENA KRISTO

Angatshila maluvu makole mapangadika mimpe

Tshimfuanyi tshia mu filme wa ‘Ela meji a tshiafika panyima pa dinua maluvu.’ Nyoka ne mênu male upatuka mu vere wa maluvu makole udi muntu mukuate mu tshianza.

Mbimpe bena Kristo bonso bikale ne didikanda padibu banua maluvu makole. (Nsu 23:20, 29-35; 1Ko 6:9, 10) Muena Kristo yeye musue kunua maluvu makole, bidi bikengela ikale ne nkatshinkatshi. Udi ne bua kuepuka kabidi dikuatshibua ku bupika buawu ne dilenduisha bakuabu. (1Ko 10:23, 24; 1Tm 5:23) Mu kuamba kuimpe, ki mbimpe kusaka bakuabu bua kunua maluvu makole to, nangananga bansonga.

NUTANGILE FILME WA BAZOLA BIMFUANYI WA ELA MEJI A TSHIAFIKA PANYIMA PA DINUA MALUVU, PASHISHE NUANDAMUNE NKONKO EYI:

Bua tshinyi bena Kristo bonso badi ne bua kutumikila mikenji miela bua dinua dia maluvu makole?—Lom 13:1-4
Bua tshinyi ki mbimpe kulekela bantu batusaka ku dinua maluvu makole?—Lom 6:16
Tshia kuenza ntshinyi bua kuepuka buteyi budi mu dinua maluvu makole?