Udi mua kutshimuna lukuna!

Biobi kabiyi nanku, ukadi pamuapa mumone baenzela bakuabu. Misangu ya bungi tutu tumona bantu bakine bakuabu bualu mba mu ditunga dikuabu, mba dikoba dikuabu, anyi bualu mbantu batu balale ne balume nabu anyi bakaji nabu. Bua bualu abu, mbulamatadi ya bungi itu yiela mikenji itu ilomba bua banyoke muntu udi wenzelangane malu ne lukinu, bamunyoka bikole menemene.

Bantu batubu benzela malu ne lukinu batu bakine pabu bantu bakuabu. Batu benza muabu muonso bua kudisombuela ne badiundisha tshilumbu; badibu baenzela pabu kabayi bitaba ne: bishadile muabu to. Bua biobi kuimana anu muntu mukuabu mulue kubasunga.

Pamuapa bakadi bakuenzele malu ne kansungasunga, bakuseke, bakupende anyi bakuluishe. Nansha nanku, lukuna kalutu lushikila apu to. Misangu ya bungi lutu lufikisha ku malu a tshikisu bu mudi: diluangana mvita, dikengeshangana, dinyangilangana bintu, dibundangana, dilala ne muntu mukuabu ku bukole, dishipa muntu umue anyi ba bungi kakuyi bualu.

Mu tshibejibeji etshi nebaleje tshia kuenza bua kutshimuna lukuna, ne nebandamune nkonko eyi:

• Bua tshinyi kudi lukuna lupite?

• Mmushindu kayi udi lukuna mua kuimana?

• Nekuluaku tshikondo tshijimine lukuna kashidi anyi?