Mayele A Mua Kudilongela

Mumvuija a mvese ya mu Bible adi mu Mukanda wa makebulula wa Bantemu ba Yehowa atu akuambuluisha anyi?

Mumvuija aa adi mua kukuambuluisha bua kuondola Dîyi dia Nzambi. Adi mua kuleja muvua malu enzeka tshikondo tshivuabu bafunda bualu buudi ubala abu, bua tshinyi mbabufunde, badibu butangila, ne diumvuija dia miaku peshi biambilu bikuabu bisunguluke.

TSHITEKELU TSHIA MIKANDA TSHIA KU ENTERNETE tshia watchtower ne JW Library^® bidi bikuambuluisha bua kubuela mu mikanda idibu baledile mu Mukanda wa makebulula diakamue bilondeshile mvese anyi paudi ututa pa mvese au. Udi mua kupeta mikanda ayi mu tshitupa tshia kudilongela mu Bible kayi yonso udimu.

Paudi ubala mikanda ayi, tabalela matuku a ngondo. Biena-bualu bipiabipia bidi bipatuka kuulu. Kuinshi kudi biena-bualu bia kale bidi mua kuikala ne malu akadibu bakajilule.

• Mikanda idi yumvuija mvese idi mu Mukanda wa makebulula idi kabidi mu TSHITEKELU TSHIA MIKANDA TSHIA KU ENTERNETE tshia watchtower.

• Bua kubala mikanda idi yumvuija mvese mu JW Library, ambula Mukanda wa makebulula; ne dîba dionso didibu bawakajilula, wele bidibu bakajilule abi mu uudi nawu. Bua kuenza nanku, tuaku munu muaba wa kutua munu bua bidibu bakajilule bibuele mu mukanda. Muaba au udi kuulu kua tshitupa tshia kudilongela tshia nshapita kayi yonso wa mu Bible.