Bimfuanyi bikulongeshe

Mu mikanda yetu mutu bimfuanyi bidi bitulongesha malu a bungi a mushinga. Ntshinyi tshiudi mua kuenza bua bikulongeshe malu a bungi?

• Anji tangila bimfuanyi bidi mu tshiena-bualu kumpala kua kutshibala. Bidi mua kukupesha nyota ne kukusaka bua kubala malu adimu. Patu mêsu amona tshiakudia tshia muenya, muoyo utu uzuka anu bua kutshilabula. Nunku diebeja ne: ‘Tshindi mmona etshi ntshinyi?’​—Amo. 7:7, 8.

• Paudi wenda ubala tshiena-bualu, ela meji a tshidibu belele tshimfuanyi atshi muaba au. Bala mêyi adi kuinshi anyi ku luseke kua tshimfuanyi atshi anyi adi atshiumvuija pikalawuku. Udienzeje bua kumona mudi tshimfuanyi atshi tshipetangana ne tshiena-bualu atshi ne muudi mua kutumikila malu aditshi tshikulongesha.

• Wewe mumane kubala tshiena-bualu, tangilula tshimfuanyi tshidimu bua kuvuluka malu manene adimu. Dienzeja bua kukuata bimfuanyi abi mu mutu ne malu adibi bitulongesha.

• Tangilula bimfuanyi bionso bidi mu tshibejibeji etshi bua umone ni udi mua kuvuluka malu adibi bikulongesha.