Ntatu ya malu a mpetu​—Mona tshienza Bukalenge bua Nzambi

Bantu ba bungi pa buloba bujima badi batata bua kupeta makuta makumbane a kudiambuluisha nawu. Lutatu alu ludi lukola anu kukola.

• Bilondeshile luapolo ludibu bapatule pa buloba bujimaa matuku adi panshi aa, badi “bapuekesha mafutu a bantu bikole ngondo yonso.” Luapolo alu ludi luleja ne: bobu kabayi bakebe tshia kuenza, dishilangana pankatshi pa babanji ne badi kabayi babanji neditambe kabidi kumueneka bikole menemene ne “nsombelu wa bena mudimu ba bungi ne bena mu mêku abu” neanyanguke bikole.

Mbulamatadi neyikumbane bua kujikija lutatu lua malu a mpetu ludi luenda luvula elu peshi kulukepesha anyi?

Bible udi uleja ne: kudi mbulamatadi wajikija ntatu yonso ya malu a mpetu, bu mudi dishilangana pankatshi pa bantu. Udi wamba ne: “Nzambi wa mu diulu neajadike bukalenge bukuabu,” anyi mbulamatadi umuepele bua kulombola malu onso a pa buloba. (Danyele 2:44) Pakokesha mbulamatadi au pa buloba bujima, kabakupua muntu muoyo anyi kumulekela to. (Misambu 9:18) Bukalenge bua Nzambi nebuenze bua bantu bapete bidibu nabi dijinga bua kuikala ne disanka. Bantu bonso nebasanke bua bipeta bia mudimu wabu mukole.​—Yeshaya 65:21, 22.