Lumingu lua dia 11-17/8
Mabeji a tshisangilu tshia Nsombelu ne mudimu wetu—2025 | ngondo wa 7

LUMINGU LUA DIA 11-17/8

NSUMUINU 26

Musambu wa 88 ne disambila | Mêyi a mbangilu (Mun. 1)

BIUMA BIA MU DÎYI DIA NZAMBI

1. Epuka “muntu mutatakane”

(Min. 10)

Kabatu batamba kupesha “muntu mutatakane” bunême to (Nsu 26:1; it-2-F 602 §1)

Misangu ya bungi bitu bikengela kupesha “bantu batatakane” manyoka makole (Nsu 26:3; w87-F 1/10 19 §12)

“Muntu mutatakane” katu muntu wa kueyemena to (Nsu 26:6; it-2-F 357 §3)

DIUMVUIJA: Mu Bible, tshiambilu “muntu mutatakane” tshidi tshileja muntu udi ubenga lungenyi ludibu bamupesha, kadi wenza yeye malu adi ashipa mikenji ya Nzambi.

Muanetu wa balume mu kalasa, umbuka kudi balongi babu badi batangile tshintu kampanda mu telephone.

2. Bubanji bua mu Dîyi dia Nzambi

(Min. 10)

  • Nsu 26:4: Mmunyi mudi dîyi dinene didi mu mvese eu mua kutuambuluisha patudi tuyisha bantu? (w23.09 19 §18)

  • Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

3. Dibala dia Bible

(Min. 4) Nsu 26:1-20 (th dilonga 5)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Banga kuyukila ne muntu ku diambuluisha dia trakte kampanda. (lmd dilongesha dia 1, kamutu ka bualu 5)

5. Dipinganyina muntu

(Min. 4) KU NZUBU NE KU NZUBU. Tungunukayi ne muyuki ne muntu bimanyine pa trakte uuvua mumushile musangu mushale. (lmd dilongesha dia 7, kamutu ka bualu 4)

6. Ubavuije bayidi

(Min. 5) Ambuluisha mulongi webe adilongolole bua kuyisha mulela wende kampanda. (lmd dilongesha dia 11, kamutu ka bualu 5)

TUIKALAYI NE NSOMBELU WA BUENA KRISTO

Musambu wa 94

7. Didilongela dia Bible dikuvuije “muena meji bua kupeta lupandu”

(Min. 15) Diyukidilangana.

Foto: 1. Muanetu wa bakaji udilongela mu nzubu. Mmuele filme wa mu muakulu wa tumama wa mu jw.org mu ordinatere. 2. Muanetu wa balume muikishile mu restoran bua kunua kafe, udilongela Bible ne telephone wende. 3. Muanetu wa bakaji ukadi mukulakaje mubuele mu “JW Library” mu tablete wende. 4. Mamu kampanda ne muanende wa balume babuele mu “JW Library” mu tablete padibu mu bisangilu.

Mupostolo Paulo wakavuluija Timote mushinga wa mifundu ya tshijila ivuaye mulonge katshia ku buana buende. Mifundu ayi ivua mimuvuije “muena meji bua kupeta lupandu.” (2Tm 3:15) Bu mudi malongesha malelela a mu Bible ne mushinga wa bungi, mbimpe muena Kristo yonso enze programe bua kuikala kubala Bible ne kumulonga. Kadi tshia kuenza ntshinyi dilonga dia Bible diodi kadiyi dikusankisha?

Bala 1 Petelo 2:2. Pashishe webeje bateleji ne:

  • Kudi tshia kuenza bua dilonga dia Bible kutusankishadi anyi?

  • Ntshinyi tshitudi mua kuenza bua kupeta “dijinga dikole” dia Dîyi dia Nzambi?​—w18.03 29 §6

  • Mmunyi mudi bintu bidi bulongolodi buetu bupatule bu mudi JW Library® bituambuluisha bua kulonga malu a bungi patudi tubala Bible ne tumulonga?

Ela FILME wa Malu adi bulongolodi buenza: Ngenyi ya mua kuenza mudimu ne JW Library. Pashishe webeje bateleji ne:

  • JW Library® mmukuambuluishe mushindu kayi?

  • Mbitupa kayi bia mu JW Library biutu musue kubuela?

  • Mbitupa kayi biudi musue kulonga bua kuenza nabi mudimu?

8. Dilonga dia Bible dia tshisumbu

(Min. 30) lfb dilongesha dia 8-9

Mêyi a ndekelu (Min. 3) | Musambu wa 89 ne disambila

Tshikebelu
Tshibumba tshia Nsentedi (Tshia kulonga)—2025 | ngondo 5

Tshiena-bualu tshia kulonga 23: Lumingu lua dia 11-17/8/2025

26 Bua tshinyi dîna dia Yehowa didi ne mushinga kutudi?