Mabeji a tshisangilu tshia Nsombelu ne mudimu wetu—2025 | ngondo wa 9

LUMINGU LUA DIA 29/9–5/10

MUAMBI 3-4

Musambu wa 93 ne disambila | Mêyi a mbangilu (Mun. 1)

BIUMA BIA MU DÎYI DIA NZAMBI

Mulume ne mukaji babala Bible pamue bikale ne disanka. — Ikalayi nupitshisha dîba pamue ne Yehowa

1. Koleshayi muonji wenu muluka ne nshinga isatu

(Min. 10)

Ikalayi ne dîba dia kuyukila bimpe, nukankamijangana (Mbi 3:1; hf tshitupa 2, kamutu ka bualu ka 1)

Enzayi malu pamue (Mbi 4:9; w23.05 23-24 §12-14)

Ikalayi mu malanda makole ne Yehowa (Mbi 4:12; w23.05 21 §3)

DIEBEJA NE: ‘Ntshinyi tshidi mua kufikila dibaka dietu, meme mpitshisha dîba dia bungi kule ne muena dibaka nanyi, anyi meme muye muaba kampanda, mumushiye bua malu a mudimu peshi bua dikisha dindi muangate?’

2. Bubanji bua mu Dîyi dia Nzambi

(Min. 10)

Mbi 3:7: Mmunyi mutudi mua kutumikila mvese eu padibu bakandike mudimu wetu (w19.07 11 §14)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Mbi 4:1-16 (th dilonga 2)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Banga kuyukila ne muntu ku diambuluisha dia Tshibumba tshia Nsentedi tshia No. 1 2025. Yukila nende bilondeshile tshiena-bualu tshidiye usungula pamutu pa kuimanyina pa tshiuvua wewe natshi mu mutu. (lmd dilongesha 2, kamutu ka bualu 5)

5. Dipinganyina muntu

(Min. 4) PADI MPUNGA UMUENEKA. Lomba muntu uuvua mupeshe Tshibumba tshia Nsentedi tshia No. 1 2025 bua nulonge nende Bible. (lmd dilongeshadia 9, kamutu ka bualu 4)

6. Muyuki

(Min. 5) lmd tshisakidila tshia A, kamutu ka bualu ka 12: Tshiena-bualu: Nzambi mmuakane, katu ne kansungansunga to. (th dilongadia 19)

TUIKALAYI NE NSOMBELU WA BUENA KRISTO

Musambu wa 131

7. Padiku bilumbu pankatshi pebe ne muena dibaka nebe, londayi buludiki bua Yehowa

(Min. 15) Diyukidilangana.

Yehowa mmupeshe bena Kristo bonso badi mu mabaka bionso bidibu nabi dijinga bua bikale ne disanka. Nansha nanku, nekuikale bikondo bikalabu ne bilumbu. (1Ko 7:28) Bobu kabayi babijikije, pamuapa nebashale kabatshiyi ne disanka, bela meji ne: nebashale anu bu mpuku ne mpusu. Binuikala nanku mu dibaka dienu, ntshinyi tshinudi mua kuenza?

Filme wa Dinanga dilelela ntshinyi? udi wakula bua mulume ne mukaji badi ne bilumbu binene mu dibaka diabu. Udi uvuluka mibelu ivua tatu kampanda mupeshe muanende wa bakaji uvua ukeba kuangata dipangadika kayi muele meji a tshivua Yehowa musue anyi?

Ela katupa ka FILME wa Dinanga dilelela ntshinyi? Pashishe webeje bateleji ne:

Bua tshinyi mbimpe kulonda buludiki bua Yehowa patudi ne bilumbu mu dibaka dietu?—Yes 48:17; Mat 19:6

Andamuna

Nuenu ne bilumbu mu dibaka dienu, ikalayi nusambila, nubuela mu bisangilu, nubala Bible, nudilongelaye, ne nuyisha. Dienzejayi bua kutumikila mêyi manene a mu Bible bua kujikija bilumbu binudi nabi, ne nukebe malu mu mikanda yetu adi mua kunuambuluisha bua kumanya mudi Yehowa umona nsombelu wenu ne tshidiye musue bua nuenze. Panudi nuenza nanku, bidi bileja munudi basue bua Yehowa anuambuluishe.—Nsu 10:22; Yes 41:10.

Tshimfuanyi tshia mu filme wa “Kabakudingi ne ditalala dia mafi nansha!—Darrel Freisinger ne Deborah.” Baleja Deborah patshivuaye nsonga mutangile mu foto.

Ela FILME wa Kabakudingi ne ditalala dia mafi nansha!—Darrel Freisinger ne Deborah. Pashishe webeje bateleji ne:

Tshivua tshifikile muanetu Freisinger ne mukajende tshidi tshikulongesha tshinyi bua mushindu wa kupita ne bilumbu mu dibaka?

Andamuna