Mushindu wa kufila bibejibeji

Tshibumba tshia Nsentedi 15 Kasua.

“Tutu bumvue mêyi bu mudi aa a ne: ‘Yezu udi upandisha’ anyi ‘Yezu wakafua bua bualu buetu.’ [Tela mêyi a mu Yone 3:16.] Utuku ukadi mudiebeje ne: mushindu kayi udi lufu lua muntu umue mua kutupandisha tuetu bonso anyi? [Lekela muntu andamune.] Bible udi ufila diandamuna dipepele. Tshiena-bualu etshi: ‘Mmushindu kayi udi Yezu upandisha bantu?’ tshidi tshiumvuija bimpe bualu ebu.”

Réveillez-vous! 22 nov.

“Bantu badiku benza muabu muonso bua kukuba bintu bivua Nzambi mufuke bu mudi: metu, mâyi ne kapepe anyi? [Lekela muntu andamune.] Bantu ba bungi badi badikonka bua kumanya bikala bintu ebi bia ku tshifukilu bidi bantu anu benda banyanga pa buloba lelu mua kushala kashidi. Kadi tshidi tshienza disanka ntshia ne: Nzambi udi ne bualu ebu mu lungenyi kayi ubupua muoyo. [Bala Nehemiya 9:6.] Tshibejibeji tshia Réveillez-vous! etshi tshidi tshiumvuija malu adi mindile bukua-bifukibua bia muoyo bidi pa buloba matuku adi kumpala eku.”

Tshibumba tshia Nsentedi 1 Tshisu.

“Matuku aa, bantu ba bungi mbadifile bikole mu dipeshangana dia tudo ne dienzelangana dia malu makuabu mimpe a bungi. Mianda eyi idi ituvuluija Mukenji wa Mushinga Mukole. [Bala Matayo 7:12.] Kadi wewe udiku wela meji bishi, kudiku mushindu wa mukenji au kuikalawu ulombola nsombelu wetu tshidimu tshionso tshijima anyi? [Lekela muntu andamune.] Tshibejibeji etshi tshidi tshielesha bantu meji pa ‘Dîyi dia Mushinga Mukole: ndikumbane bua bantu kuditumikilabu’ anyi?”

Réveillez-vous! 8 déc.

“Bible udi ulaya ne: dituku nedilue dikala muntu nansha umue kayi mua kuamba ne: “ndi ne disama.” [Bala Yeshaya 33:24.] Mu diumvuangana ne dilaya adi, tshibejibeji etshi tshia Réveillez-vous! tshidi tshiakuila pa disama didi ditatshisha bantu miliyo, bansonga ne bakulakaje. Tshidi ne tshiena-bualu ne: ‘Ditekemena didiku bua badi basama binyoka.’ Ndi mujadike se: neumone ne: biena-bualu ebi bidi ne malu a bungi a wewe kumanya.”