Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kasua.

“Udi wela meji ne: balume ne bakaji bobu batumikila mubelu wa mu Bible eu badi mua kukolesha malanda abu a mu dibaka anyi? [Bala Yobo 31:1. Pashishe lekela muntu andamune.] Tshiena-bualu etshi tshidi tshiakuila pa mikenji ya Bible idi yambuluisha mulume ne mukaji bua kuikalabu ne disanka mu dibaka diabu.” Muleja tshiena-bualu tshidi tshituadijile mu dibeji dia 18.

Réveillez-vous! Kasua.

“Bantu ba bungi mbajadike ne: bintu bia mu mâyi manene bidi bienda anu binyanguka ne bijimina bikole. Udi wela meji ne: makalenge a bana ba bantu aa neajikije lutatu elu anyi? [Lekela muntu andamune. Pashishe bala Matayo 6:10.] Tshiena-bualu etshi tshidi tshiumvuija amue a ku malu adi akebesha lutatu elu, tshileja kabidi mualua Bukalenge bua Nzambi kulujikija.” Leja tshiena-bualu tshidi tshituadijile mu dibeji dia 20.

Tshibumba tshia Nsentedi 1 Tshisua.

“Mu ngondo wa 12 eu, bantu ba bungi batu batamba kuakula bua Yezu. Mmushindu kayi udi malu avua Yezu muenze anyi mulongeshe makuambuluishe? [Lekela muntu andamune.] Bible udi utuambila bua tuetu kulonda tshilejilu tshia Yezu. [Bala 1 Petelo 2:21.] Tuetu bamuidikije, tudi tulua bantu bimpe menene, ba diakalenga dia dikema. Tshibejibeji etshi tshidi tshiumvuija tshiudi ne bua kuidikijila Yezu.”

Réveillez-vous! Tshisua.

“Kukadi bidimu bipite pa lukama bidi bantu ba bungi badiebeja pa lukonko elu. [Leja lukonko ludi pa tshizubu tshia tshibejibeji.] Buebe wewe, nkuepi kutudi mua kupetela diandamuna dimpe? [Lekela muntu andamune.] Tangila tshitudi ne bua kukebela diandamuna kudi Nzambi. [Bala Musambu wa 100:3.] Tshibejibeji etshi tshidi tshileja mudi Bible wandamuna lukonko elu.”