Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuab.

“Bantu ba bungi badi badiebeja tshidi ntatu idi ikuata bantu mikale anu yenda ikolela kayiyi ijika. Ukadiku mubale tshidi mvese eu wamba bua tshidi ntatu yenda anu ikolela nanku au anyi? [Bala Buakabuluibua 12:9. Pashishe lekela muntu andamune.] Tshibejibeji etshi tshidi tshileja mateyi adi Diabolo ukuata nawu mudimu bua kupambuisha bantu ne mutudi mua kumukandamena.”

Réveillez-vous! 22 Kasuab.

“Nansha mudibu badima biakudia bidi mua kukumbana bantu bonso, bantu miliyo 800 badi bakenga ne nzala. Bualu ebu kabuenaku bukubungamija anyi? [Lekela muntu andamune.] Tshibejibeji etshi tshidi tshiakula bua tshilumbu tshia dipangika dia biakudia mu bantu. Tshidi kabidi tshiakula bua dîba dikala bantu kabayi mua kukenga ne nzala didi Bible mulaye.” Bala Musambu 72:16a.

Tshibumba tshia Nsentedi 1 Tshisua.

“Patu bantu bumvua bakula bua ‘Armagedone,’ ba bungi batu batuma meji ku dibutuka dia bantu mu tshibungi didi dikuatshisha buôwa. [Leja kazubu kadi mu dibeji 3.] Wewe mumvue ne: Armagedone mbualu buimpe buikala mua kutufikila, nebikukemeshe anyi? [Lekela muntu andamune.] Tshibejibeji etshi tshidi tshiumvuija bualu ebu.” Bala 2 Petelo 3:13.

Réveillez-vous! 8 Tshisua.

“Mvua musue kuyukila nebe bua tshikondo tshikala muntu yonso ne muaba muimpe wa kusombela. Ki mbibi padi bantu ba bungi lelu kabayi ne muaba wa kusombela anyi? [Lekela muntu andamune. Pashishe bala Yeshaya 65:21, 22.] Tshibejibeji etshi tshidi tshileja kudi lutatu elu lufumina. Tshidi kabidi tshiumvuija mushindu walua Nzambi kukumbaja dilaya ditudi tufuma ku dibala edi.”