Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kasuab.

“Bantu ba bungi mbasue kuikala ne makanda a mubidi ne kuikala anu ne muoyo. Kadi bu kuoku kuikale mushindu wa kushala ne muoyo kashidi, bivua mua kukusankisha anyi? [Lekela muntu andamune. Pashishe ubale Yone 17:3.] Tshibejibeji etshi tshidi tshiakula bua ditekemena didi mu Bible dia kuikala ne muoyo wa tshiendelele. Tshidi kabidi tshileja muikala nsombelu dîba diapeta bantu muoyo wa tshiendelele au.”

Réveillez-vous! 22 Kasuab.

“Mu bidimu 20 bidi bishale ebi, bantu mbavudije bikole dimanya diabu dia disama dia SIDA ne dia mushindu wa kudiondopa. Kadi, bantu bakuabu ba bungi mbamanye anu malu makese pa disama edi. [Leja muntu kazubu ka ‘Idées reçues,’ umulekele akule.] Tshibejibeji etshi tshidi tshileja mudi baledi mua kukuba bana babu.” Bala Dutelonome 6:6, 7.

Tshibumba tshia Nsentedi 1 Tshisua.

“Tshintu tshimue tshitu tshienza ne: bantu bikale bashilangane ne nyama ng’etshi: bantu mbamanye kujingulula tshidi tshimpe ne tshidi tshibi. Kadi pabi, bantu ba bungi batu benza anu malu mabi ne bitu bitubungamija. Bua tshinyi bitu nanku? [Lekela muntu andamune. Pashishe ubale Yelemiya 17:9 anyi Buakabuluibua 12:9.] Tshibejibeji etshi tshidi tshiakula bua tshidi mua kutuambuluisha bua kumanya tshidi tshimpe ne kutshienza kabidi.”

Réveillez-vous! 8 Tshisua.

“Nansha mudi mamanya a malu a biamu mavule bikole, ki mmashintulule dijinga dia bantu dia kuikala ne balunda to. Kadi kuenaku mumone mudi malu adiku lelu apangisha bantu bua kuikala ne balunda ba pa muoyo anyi? [Lekela muntu andamune. Pashishe ubale Nsumuinu 18:24.] Tshibejibeji etshi tshidi tshileja mushindu wa kupeta balunda balelela ne wa kubalama.”