‘Dibutshilayi bintu’

Tshisumbu tshia bena Kristo tshia mu bidimu lukama bia kumpala tshivua dijinga ne bintu. Bavua balomba muntu yonso bilondeshile muende muvuaye mukokeshe bua ‘kudibutshila bintu,’ bua kumonaye mua kufila mapa mu tshisumbu bua bintu bivua bikengedibua ebi. (1 Kol. 16:1-3) Muoyo wa kalolo wa nunku uvua usankisha bantu bonso “mu masakidila a bungi kudi Nzambi.”​—2 Kol. 9:11, 12.

Lelu’eu, mudimu udi bantu ba Yehowa benza pa buloba bujima udi wenda amu uvula, ujinga kuwukuatshisha ne makuta a bungi. Tuetu petu tudi ne bua kuikala misangu yonso ‘tudibutshilaku kantu kuonso katuikala bapete’ bua kujikija majinga adiku aa. (2 Kol. 8:3, 4) Tudi mua kufila mapa aa mu mishindu mishilashilangane. (Tangila Tshibumba tshia Nsentedi tshia dia 1 Kasuabanga 2001, dib. 28-29.) Bushuwa, difila mapa tudi ne bua kudiangata bu bualu bulenga budi bupesha muntu disanka dilelela.​—Bien. 20:35.