Ndongamu wa Bisangilu bia Mudimu

Lumingu lua dia 14 Tshiongo

Musambu 3

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Konkononayi malu adi mu kazubu ka: “Mbenze tusumbu tupiatupia tumanyike kua mbulamatadi.”

Min. 25: “Ngenyi ya mushindu wa kutuadija diyikila ne bantu mu buambi.” Diyukidilangana ne bateleji dienzabu kudi mutangidi wa mudimu. Tshisakidila etshi tshidi ne ngenyi ikavua mipatuke mu nimero mipite ya Mudimu wetu wa Bukalenge ne mikuabu mipiamipia idi mua kuambuluisha bua mudimu wa buambi. Miaba idi mishale patupu nudi mua kufundamu ngenyi mikuabu yapatulabu pashishe ne idi imueneka miakanyine bua teritware wenu. Lomba bateleji bua batele ngenyi idibu batamba kusua ne tshidibu bayisuile. Enzayi dinaya dia tshilejilu dimue ta abidi adi mua kuleja bimpe mushindu wa kufila mukanda wa ngondo muibidi. Kankamija bamanyishi bonso bua kulama bimpe tshisakidila etshi ne kuikala kutapamu dîsu misangu yonso idibu badilongolola bua mudimu wa buambi.

Min. 10: “Mushindu wa kufila bibejibeji.” Enzayi dinaya dia tshilejilu dia mua kufila Tshibumba tshia Nsentedi tshia dia 15 Tshiongo ne Réveillez-vous! wa dia 22 Tshiongo. Kankamija bamanyishi bonso bua kudifilabu mu buambi dituku dia bibejibeji.

Musambu 55 ne disambila dia nkomenu.

Lumingu lua dia 21 Tshiongo

Musambu 104

Min. 10: Mamanyisha a mu tshisumbu. Luapolo lua konte. Yukidilanganayi pa malu adi mu kazubu ka: “Dibutshilayi bintu.”

Min. 13: Nutu nukonkonona Mifundu dituku dionso anyi? Diyukidilangana pankatshi pa bena dîku kampanda. Bua mushindu udibu bakonkonona mvese wa dituku kutambawu kubambuluisha, badi batangila Tshibumba tshia Nsentedi tshia dia 15 Tshisua-munene 1996, dibeji dia 18, tshikoso tshia 13-14. Nukonkonone mu mêyi makese mvese ya matuku abidi anyi asatu inuvua babale matuku adi panshi aa, umvuija mudi malu adimu amueneka ambuluisha menemene. Leja patoke ne: dikonkonona mvese wa dituku dionso nunku didi ne bua kuikala mu programe wa mu dîku wa dilonga dia Bible muenza bua kuambuluisha benamu bua kuikalabu ne lukunukunu mu malu a mu nyuma.

Min. 22: “Tungunukayi ne kuteka Bukalenge pa muaba wa kumpala.”a Wele imue nkonko mikese pa malu manene a mu Tshibumba tshia Nsentedi tshia dia 1 Kabitende 1998, dibeji dia 19-21.

Musambu 168 ne disambila dia nkomenu.

Lumingu lua dia 28 Tshiongo

Musambu 196

Min. 10: Mamanyisha a mu tshisumbu. Vuluija bamanyishi bua bafile luapolo lua mudimu wa buambi lua ngondo wa kumpala. Ku diambuluisha dia ngenyi idi mu dibeji dia 8, enzayi manaya a tshilejilu abidi mîpi adi aleja mushindu wa kufila bibejibeji, dimue ne Tshibumba tshia Nsentedi tshia dia 1 Luishi ne dikuabu ne Réveillez-vous! wa dia 8 Luishi. Manyisha mukanda udibu balongolole bua kufila mu ngondo muibidi, umanyishe mikanda idi tshisumbu nayi mu stoke.

Min. 20: “Baledi, longeshayi bana biangatshile patshidibu batekete.”b Buejamu mumvuija a mu Tshibumba tshia Nsentedi tshia dia 15 Tshisanga 1998, dibeji dia 32. Lomba baledi bua balonde bualu kampanda budi buleja bipeta bimpe bidibu bapatule bua muvuabu batuadije kulongesha bana babu malu a mu nyuma patshivuabu batekete.

Min. 15: Majinga a tshisumbu. Lomba bateleji bua balonde malu avuabu bamone pavuabu benza mudimu ne mukanda wa Comment raisonner, pavuabu bapesha bantu broshire idi yandamuna nkonko yabu peshi malu avuabu bamone pavuabu basamba muntu ne mêyi a mu Bible adi mu broshire wa Padi muntu uudi munange ufua. Udi pamu’apa mua kuleja mu dinaya malu anu muvuawu menzeke.

Musambu 202 ne disambila dia nkomenu.

Lumingu lua dia 4 Luishi

Musambu 212

Min.  8: Mamanyisha a mu tshisumbu.

Min. 17: “Mmunyi mumvuabu?”c Bateleji bumvuije mushindu wa kutumikila mêyi a mu Bible. Buejamu nkonko miangata mu Tshibumba tshia Nsentedi tshia dia 15 Tshimungu 1998, tshikoso tshia 17-18, dibeji dia 20.

Min. 20: Tuenzayi bua bintu bilenga bidibu balongolole bituambuluishe. Muyuki wenzabu kudi mukulu udi muikale ngamba-malu mupiluke. Mukulu eu udi wambuluisha bantu bua kumanyabu mua kuangata mapangadika malenga mu malu a luondapu bilondeshile karte ka Instructions médicales ne biena-bualu bia “Nkonko ya babadi” mu Tshibumba tshia Nsentedi tshia dia 15 Kashipu ne tshia 15 Kasuamansense 2000. Tshisumbu tshionso tshidi ne bua kuikala ne tuarte tua Instructions médicales bungi bukumbane. Nebapeshe bamanyishi batambule tuarte etu padi bisangilu bijika, kadi kabena ne bua kutuuja dilolo adi to. Ditua dia biala pa tuarte etu kudi muntu ne kudi bantemu bende ne difunda dia matuku a ngondo nebienzeke kunyima kua Dilonga dia Mukanda dia Tshisumbu dialonda ne diambuluisha dia mulombodi wa dilonga dia mukanda pikalabi bikengedibua. Bajadiki anyi bantemu aba badi ne bua kudimuena ne abu abidi mudi muena karte kende udituilaku tshiala. Bamanyishi badi kabayi banji kutambula badi mua kudifundila wabu mukanda wa mêyi buabu buobu ne bua bana babu, bateta kuidikija mêyi adi pa karte ka Instructions médicales ne ka Document d’identité médical bua bana babu bilondeshile nsombelu wabu ne malu adibu bitabuja. Leja ne: bidi bia meji bua kudianjila kuangata mapangadika pa bidi bitangila malu a luondapu mu diumvuangana ne kuondo ka muoyo ka muntu kalongesha kudi Bible. (Nsu. 27:12; 14:15) Bidi bikengela kudianjila kuyikila ne ba-minganga bua kubaleja patoke tshiudi mua kuitaba pa bidi bitangila ngondapilu ne manga audi mua kuitaba bua bakuondape nawu. Didilongela dia muntu nkayende ke didi mua kumuambuluisha bua kuangataye mapangadika mimpe. Nubale bikoso bidi biakanyine bia “Nkonko ya babadi” mu Tshibumba tshia Nsentedi tshia dia 15 Kashipu ne tshia 15 Kasuamansense 2000. Bakulu badiku bua kunuambuluisha, kadi kabena mua kunuangatshila mapangadika nansha. Umvuija nsombelu mishilashilangane idi bana betu mua kuleja tuarte tuabu etu tudi tuleja mapangadika abu aa.

Musambu 224 ne disambila dia nkomenu.

[Mêyi adi kuinshi]