Mbenze tusumbu tupiatupia tumanyike kua mbulamatadi

Mu Tshibumba tshia Nsentedi tshia dia 15 Tshiongo 2001, mbaleje mushindu udi Bantemu ba Yehowa balongolola bua kutungunukabu ne diya anu kumpala mu mudimu wabu wa Bukalenge pa buloba bujima. Badi kabidi bumvuijamu mushindu udi Bantemu benza mudimu ne tusumbu tushilashilangane tumanyike kua mbulamatadi bua dimuangalaja dia lumu luimpe. Tusumbu atu tudi ne mushinga bua kumona mua kulonda mikenji ya ditunga ne ya miaba mikuabu idi Bantemu, anu mudi Dîyi dia Nzambi dilomba bua kuenza. (Lomo 13:1) Bua bungi ne bitupa bishilashilangane bidi nabi mudimu wetu, Kasumbu Kaludiki nkafile njila ne nkitabe bua benze tusumbu tukuabu tudi mua kuambuluisha bikole Bantemu ba Yehowa mu malu makuabu adibu bakengela mu ditunga dia États-Unis. Tusumbu tupiatupia atu ntuotu etu:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Tusumbu etu netuenze mudimu pamue ne etu tukuabu tua: Watch Tower Bible and Tract Society of Pennsylvania kabidi ne Watchtower Bible and Tract Society of New York, Inc. Bisumbu ne bamanyishi nebapete mikanda yabafundilabu kudi tumue tua ku tusumbu etu. Netuanyishe bikole bua nueleshangane diboko ne Kasumbu Kaludiki mu malu onso adiku kalongolole aa bua kukumbaja mudimu wa kutangila bintu bionso bia Mukalenge udibu bakapeshe.​—Mat. 24:45-47, NW.