Malu a kuvuluka bua Tshivulukilu

Tshivulukilu tshia tshidimu etshi netshienzeke mu Dia lumingu dia matuku 4 a ngondo muinayi. Bakulu badi ne bua kuikala ne ntema ku malu adi alonda aa:

▪ Panudi nuteka dîba dienzeka tshisangilu etshi, nuikale bajadike ne: bimanyishilu nepite anu pikala dîba dimane kubuela.

▪ Muntu yonso, kusangisha ne ngamba-malu, udi ne bua kumanya dîba dijalame ne muaba wenzekela Tshivulukilu.

▪ Nudi ne bua kukeba mampa ne mvinyo bidi biakanyine ne kuikala nabi kumpala kua dîba.​—Bala Tshibumba tshia Nsentedi tshia dia 15 Luishi 2003, dibeji dia 14-15.

▪ Badi ne bua kulua ne malongo, vere, mesa ne tshilamba tshia pa mêsa muaba udi Tshivulukilu tshienzekela ne kubiteka pa muaba wabi kumpala kua dîba.

▪ Nudi ne bua kukomba anyi kukolopa mu nzubu wa Bukalenge anyi muaba kayi mukuabu wonso wenzekela tshisangilu etshi kumpala kua dîba.

▪ Nusungule bakididianganyi ne bapitshishi ba bimanyishilu kumpala kua dîba ne nubaleje tshidi mudimu wabu, mushindu mupepele wa kuwenzabu ne kabidi mushinga wa mvuadilu ne nkoseshilu wabu wa nsuki bimpe.

▪ Nulongolole bua kutuadilabu bana betu bela manyi badi basama anyi badi kabayi ne mushindu wa kufika mu Tshivulukilu bimanyishilu.

▪ Pikala bisumbu bia bungi ne bua kuenzela Tshivulukilu mu Nzubu wa Bukalenge umue, kudi ne bua kuikala diumvuangana dimpe munkatshi mua bisumbu bua kuepuka difimpakana dia patupu mu tshibuelelu anyi ku tshiibi, ku mpenga kua njila anyi muaba wa dimanyikila makalu, mioto ne mashinyi.