Mushindu wa kubambuluisha

Bena Kristo balelela batu benza mudimu wa kumuangalaja lumu luimpe. (Filip. 2:17) Bua kukumbaja mudimu eu, mbele imue broshire ya nshindamenu, trakte ne biena-bualu bia mu miakulu 20 mu Internet mu adrese eu: www.watchtower.org. Programe anyi site eu ki mmuenza bua kupesha Bantemu ba Yehowa mikanda yabu ya pa tshibidilu to. Udi ne tshipatshila tshia kumanyisha bantu bakuabu malu malelela pa bidi bitangila bidi Bantemu ba Yehowa balongesha mu Bible.

Matuku adi panshi aa, mbakumbajije tshintu tshia mushinga mukole mu site wetu udi mumanyike. Ke broshire wa Ntshinyi tshidi Nzambi utulomba? mu miakulu mipite pa 220. Pashishe, miakulu yonso mmibangishe kuleja adrese wa site wetu mu dibeji dia ndekelu dia bibejibeji kutuadijila ku Tshibumba tshia Nsentedi tshia dia 1 Tshiongo 2004 ne Réveillez–vous! wa dia 8 Tshiongo 2004.

Mmunyi muudi mua kuenza mudimu ne tshiamu tshia mudimu etshi? Udi mua kupetangana ne muntu udi umueneka usankidila bulelela kadi udi wakula muakulu mukuabu. Yeye ne mushindu wa kuya ku Internet, udi mua kumuleja adrese wa site wetu mu dibeji dia ndekelu dia Tshibumba tshia Nsentedi anyi dia Réveillez–vous! Yeye muye ku Internet udi mua kubala broshire wa Utulomba mu muakulu wende too ne pawamutuadila mikanda ya mu muakulu wende. Anyi udi mua kumupesha bantu ba mu tshisumbu peshi kasumbu ka muakulu wende.