Ditadi dia La Bible: un livre historique et prophétique
Tshitupa tshia kumpala tshia mu ditadi dia DVD dia La Bible: un livre historique et prophétique tshidi ne tshiena-bualu tshia Le livre le plus ancien toujours d’actualité. Wewe mumane kumona ditadi edi, udi mua kuandamuna nkonko idi ilonda eyi:
(1) Mmu mishindu kayi mudi Bible umvuangana ne malu a bena meji lelu eu? (2) Mmunyi mutudi bamanye ne: malu adi mu Bible utudi nende lelu ki mmashilangane ne akafundabu ku ntuadijilu? (3) Tela bualu bua mushinga mukole budi mu mifundu ya kale ya mu Bible? (4) Mmu mishindu kayi muvua John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ne Charles Taze Russell bambuluishe bua Dîyi dia Nzambi kutangalakadi pa buloba bujima? Mmushindu kayi uvua bitendelelu biluishe Bible ne tshikisu? (5) Mmunyi mudi mibelu mimpe ya mu Bible miambuluishe bantu bua kutantamena masama (Mus. 34:8), kubenga manaya a mfranga (1 Tim. 6:9, 10), kubenga kulekelangana mu dibaka ne kulekela tshiendenda (1 Kol. 13:4, 5; Ef. 5:28-33) ne kubenga kuditatshisha bua kupeta biuma bia bungi (Mat. 16:26)? (6) Ntshinyi tshidi tshileja ne: kutumikila mêyi a mu Bible kudi mua kuambuluisha matunga, bisamba ne bantu ba makoba mashilangane bua kulekelabu lukuna (Luka 10:27)? (7) Mmushindu kayi udi ditumikila malu a mu Bible dikupetesha disanka dia bungi? (8) Ntshinyi tshiudi mua kuenza ne ditadi edi bua kuambuluisha bantu bakuabu?—Tangila Mudimu wetu wa Bukalenge wa Luishi 2006, dibeji dia 8.