Tuakule bua tshimue, kadi tubashile bibidi

Bibejibeji bietu bitu ne biena-bualu bia bungi bitu bisankisha bantu. Pamutu pa kukeba bua kuakula bua biena-bualu bia bungi ku nzubu yonso, mbitambe buimpe bua kuakula anu bua tshimue. Tuetu tutangila bimpe bantu ne bintu biabu ne tuetu bamanye malu adi mu bibejibeji, tudi mua kusungula bualu buikala mua kusankisha muntu mu Tshibumba tshia Nsentedi anyi mu Réveillez-vous! Tshilejilu, tuetu bamone bintu bitu bana banaya nabi mu nzubu anyi pambelu, tudi mua kusungula bua kuakula bua tshiena-bualu tshidi tshiakula bua nsombelu wa mu dîku. Padi muntu mulume ulua kuitaba, tudi mua kuakula bua tshiena-bualu tshitu tshisankisha bantu balume ba bungi, bu mudi tshidi tshitangila mbulamatadi muimpe. Nansha mutudi mua kuakula anu bua tshiena-bualu tshimue, mbimpe tuikale tushila muntu bibejibeji bionso bibidi yeye muleje dijinga.