Nutambe kuakula bua kutuadija kulonga ne bantu mu Disambombo dia kumpala dia ngondo
Katshia ku ngondo 5 wa 2011, bavua balombe bamanyishi bua kutuadija kulonga ne bantu mu Disambombo dia kumpala dia ngondo yonso. Bua kutuambuluisha bua kuenza mudimu eu, mbatupatuile tshiena-bualu tshia “Mandamuna a nkonko ya mu Bible” mu Tshibumba tshia Nsentedi tshia bantu bonso. Nanku mu tshisangilu tshinudi nuenza mu Disambombo dia kumpala dia ngondo, nuikale nuleja mutudi mua kuenza mudimu ne tshiena-bualu etshi bua kutuadija kulonga ne bantu, ne nuikale nuenza kabidi dinaya dia tshilejilu.
Bakulu badi mua kusungula bua kasumbu konso ka mudimu wa buambi kenze tshisangilu etshi pa nkayaku mu Disambombo dia kumpala, anyi bua tusumbu tuonso tuenze muaba umue, pamuapa ku Nzubu wa Bukalenge. Nansha bikala bisumbu bia bungi bisangila Nzubu wa Bukalenge, kanushintuludi programe wa mu Disambombo edi bua kumuteka dituku dikuabu anu bua kuenzela tshisangilu etshi kaba kamue to.