Mua kutuadija kulonga ne bantu mu Disambombo dia kumpala dia ngondo 3

“Tudi balue kunutangila bua kuyukila nenu mu minite mikese bua bualu buenzeka mu matuku 14 mu ngondo 4. Dituku edi ndia mufikilu wa lufu lua Yezu. Bamue bantu nebenze tshisangilu bua kuvuluka lufu elu bualu badi bamona ne: lufu alu ludi ne mushinga wa bungi. Kadi kudi bakuabu pabu badi kabayi bamanye mushinga udi nawu lufu lua Yezu to. Kadi wewe, udiku mumanye mudi lufu lua Yezu mua kukuambuluisha ne kungambuluisha panyi anyi?” Lekela muntu andamune. Umuleje tshiena-bualu tshia ne: “Mandamuna a nkonko ya malu a mu Bible” tshidi mu Tshibumba tshia Nsentedi tshia dia 1/3. Balayi nende malu adi mu lukonko lua kumpala. Nubale nende kabidi mvese nansha umue ku idibu batele. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/3

“Bantu ba bungi batu badikonka bua tshinyi Nzambi kena ujikija malu mabi ne makenga pa buloba. Buebe wewe, mbualu Nzambi kena uditatshisha bua bantu peshi mbualu mmusue bua bikale bakenga anyi? [Lekela muntu andamune. Pashishe nubale nende Yone 3:16.] Nansha mutu bantu ba bungi batela mvese eu bua kuleja mudi Nzambi uditatshisha buetu, ki mbajadike menemene mudi lufu lua muanende lutuambuluisha to. Mukanda eu udi umvuija mushindu udi lufu lua Yezu luambuluisha bua malu mabi ne makenga kujikawu pa buloba.”

Réveillez-vous! Ngondo 3

“Tudi tuenda tutangila bantu bua kuyukila nabu mu minite mikese bua kutokesha mmuenenu mubi utu nende bantu ba bungi bua mvese wa mu Bible eu. [Bala Genese 1:1.] Bilondeshile mvese eu, bamue bantu batu bitaba ne: batu bafuke diulu ne buloba, kadi bakuabu pabu badi babenga. Udiku mua kungambila muudi wewe wela meji pa bualu ebu anyi? [Lekela muntu andamune.] Bitu bikolela bamue bantu bua kuitaba mudi bintu bifukibue bu mudi Bible wamba, bualu balongeshi ba mu bitanda biabu batu babalongesha tshidi Bible kayi wamba menemene to. Mukanda eu udi uleja mudi tshidi Bible wamba bua mushindu uvua diulu ne buloba bituadije tshikale tshiumvuika ne tshipepele bua kuitaba.”