Malu adibu baledile mu Mabeji a Tshisangilu tshia Nsombelu ne mudimu wetu wa buena Kristo
LUMINGU LUA DIA 7-13/5
BIUMA BIA MU DÎYI DIA NZAMBI | MÂKO 7-8
“Ambula mutshi webe wa makenga, utungunuke ne kundonda”
dimanyisha dia mu nwtsty bua Mâk 8:34
adibenge: Anyi “alekele kuenza malu bilondeshile bukenji budiye nabu.” Mbuena kuamba ne: muntu udi ne bua kuikala ne lungenyi lua kudibenga yeye muine anyi kudilekelela yeye muine mu bianza bia Nzambi. Tshiambilu tshia mu tshiena Greke etshi badi mua kutshikudimuna kabidi ne: “kena ne bua kudienzela kabidi malu to,” bidi nanku bualu bidi biumvuija ne: muntu udi ne bua kulekela majinga ende, malu adiye wipatshila, anyi malu adi amusankisha. (2Ko 5:14, 15) Mâko mmutele kabidi muaku wa pa muanda wa mu tshiena Greke wa muomumue pavuaye umvuija mushindu uvua Petelo muvile Yezu.—Mâk 14:30, 31, 72.
w92 1/8 17 §14
Mmunyi muudi unyema lubilu bua muoyo?
Yezu wakambila bayidi bende ne bantu bakuabu bavua bamunyunguluke ne: “Biasua muntu kundonda, adibenge (anyi, ‘kena ne bua kudienzela kabidi malu to,’ bilondeshile nkudimuinu wa Charles Williams), ambule mutshi wende wa makenga ne atungunuke ne kundonda.” (Mâko 8:34) Patudi tuitaba bua kulonda Yezu, tudi ne bua kuikala badilongolole bua “kutungunuka” ne kumulonda, ki mbualu kudi tshintu kampanda tshia pa buatshi tshitudi tupeta patudi tudibenga to, kadi mbualu tshikondo kampanda tuetu bambe anyi benze bualu bubi, budi mua kunyangakaja bionso bitukavua benze, kutupangisha too ne diakalenga ditudi nadi dia kupeta muoyo wa kashidi. Pa tshibidilu bua muntu kuya kumpala mu nyuma bitu bimuangata dîba ne bimulomba kudienzeja bikole, kadi yeye kayi mudimuke udi mua kukuluka anu mu mupodi wa dîsu!
Ntshinyi tshiwafila bua kupeta muoyo?
Muana wa muntu nnganyi?
Dikeba bubanji bua mu Dîyi dia Nzambi
Nkonko ya babadi
Bua tshinyi diowa mâyi ku bianza divua tshilumbu tshinene kudi baluishi ba Yezu?
Utu ne ‘meji a Kristo’ anyi?
Dibala dia Bible
LUMINGU LUA DIA 14-20/5
BIUMA BIA MU DÎYI DIA NZAMBI | MÂKO 9-10
“Tshikena kumona tshidi tshikolesha ditabuja dietu”
(Mâko 9:1)
Milayi yonso idi yakula bua Kristo
Milayi yonso idi yakula bua Kristo
(Mâko 9:7)
dimanyisha dia mu nwtsty bua Mâk 9:7
dîyi: Eu mmusangu muibidi wa ku isatu idibu balonde mu Evanjeliyo mudi Yehowa wakula ne bantu buludiludi.—Bala dimanyisha dia mu nwtsty bua Mâk 1:11; ne Yne 12:28.
Dikeba bubanji bua mu Dîyi dia Nzambi
Malu manene a mu mukanda wa Mâko
mamanyisha a mu nwtsty bua Mâk 10:17, 18
Mulongeshi Muimpe: Mu bulelela muntu au uvua mubikile Yezu ne: “Mulongeshi Muimpe” tshienze bu muanzu anu bua kuwuja mukenji ne kumulabidila bu muvua bamfumu ba bitendelelu benzeja bantu bua babanemeke nanku. Yezu kavua ukandika bantu bua kabamubikidi ne: “Mulongeshi” anyi ne: “Mukalenge” to (Yne 13:13), kadi uvua upingajila Tatuende butumbi buonso.
Kakuena muntu udi muimpe pa kumbusha anu umue, Nzambi: Muaba eu Yezu udi uleja ne: Yehowa ke tshilejililu tshitambe buimpe tshia tshidi tshimpe; ne yeye nkayende ke udi ne bukenji bua kuamba ne: etshi ntshimpe anyi etshi ntshibi. Pavua Adama ne Eva batombokele Nzambi badie bimuma bia mutshi wa dimanya dia tshidi tshimpe ne tshidi tshibi, bavua baleje ne: bavua basue kuikala ne bukenji abu. Kadi Yezu uvua mushilangane nabu bualu wakalekeela Tatuende bukenji abu ne budipuekeshi buonso. Nzambi ukadi muleje tshidi tshimpe mu mikenji idiye muele mu Dîyi diende.—Mâk 10:19.
Dibala dia Bible
LUMINGU LUA DIA 21-27/5
BIUMA BIA MU DÎYI DIA NZAMBI | MÂKO 11-12
“Wakela bia bungi kupita bantu bakuabu bonso”
mamanyisha a mu nwtsty bua Mâk 12:41, 42
tushete tua diela makuta: Mikanda ya bena Yuda ya kale idi ileja ne: tushete atu tuvua tuenza bimpe bu mpungi anyi bu nsengu, tuikale ne tumasoso pa mutu. Bantu bavua belamu makuta bua midimu mishilashilangane. Muaku wa mu tshiena Greke udibu batele muaba eu mbawutele kabidi mu Yne 8:20, ne mbawukudimunamu ne: “tushete tua diela makuta.” Bidi bimueneka ne: tshiambilu etshi tshidi tshileja muaba uvuabu balongolole mu Lubanza lua bakaji. (Bala dimanyisha dia mu nwtsty bua Mat 27:6 ne Tshis. B11.) Bilondeshile mikanda mikuabu ya bena Yuda, bavua bateke tushete 13 tua diela makuta ku bimanu bia lubanza alu. Bantu badi bamba ne: mu ntempelo muvua kabidi kashete kanene kavuabu balua kuela makuta onso avuabu bapatula mu tushete tukuabu atu.
tukuta tukese tua binjanja tubidi: Ku mua., “lepitona ibidi,” muaba eu mbangate muaku lepton wa mu tshiena Greke ku bungi, udi umvuija kantu ka mupimbu mukese menemene. Lepitona uvua dikuta dia tshinjanja ditambe bukese dia tshiamu tshia mitaku anyi tshia bronze dia mu Isalele. Bivua bikengela lepitona 128 bua kupeta ndenaliyo umue.—Bala “Lepitona,” mu Tshikebelu tshia miaku ya mu Bible, ne Tshis. B14.
tua mushinga mukese menemene: Ku mua., “tua mushinga wa kadelana umue.” Muaku kodrantes wa mu tshiena Greke (mufumine ku muaku quadrans wa mu Laten) udi uleja dikuta dia tshinjanja dia tshiamu tshia mitaku anyi tshia bronze dia bena Lomo. Bua kupeta ndenaliyo umue bivua bikengela kadelana 64. Mu mvese eu Mâko udi utela makuta a bena Lomo bua kumvuija mushinga wa makuta a binjanja avua bena Yuda basumba nawu bintu.—Bala Tshis. B14.
Yehowa udi wanyisha bikole mudimu webe muenza ne anyima mujima
Yehowa udi wanyisha bikole mudimu webe muenza ne anyima mujima
w87 1/12 30 §1
Mapa audi ufila adiku akulomba bua kudipangisha amue malu anyi?
Muyuki eu udi utulongesha malu a mushinga a bungi. Pamuapa budi butambe onso mbua ne: bu mutudi tuetu bonso ne diakalenga dia kutua ntendelelu mulelela mpanda ne bintu bietu, tshidi ne mushinga wa bungi ku mêsu kua Nzambi ki nkufila bintu bietu bia pa mutu to, kadi nkufila bintu bia mushinga wa bungi bitudi bakokeshe. Mu mêyi makuabu, tudiku tuitaba bua kufila tshintu tshitutu basue bikole menemene anyi? Tshitudi tufila atshi tudi tutshifila ne muoyo mujima anyi?
Meji adi mu “Dîyi dia Nzambi”
Dikeba bubanji bua mu Dîyi dia Nzambi
dimanyisha dia mu nwtsty bua Mâk 11:17
nzubu wa disambila bua bantu ba bisamba bionso: Mu bafundi bonso basatu ba Evanjeliyo bavua batele mêyi adi mu Yes 56:7, anu Mâko ke uvua musakidile tshiambilu tshia ne: “bua bantu ba bisamba bionso.” (Mat 21:13; Luk 19:46) Ntempelo wa mu Yelushalema uvua muenza bua bena Isalele ne bantu ba ku babende bavua batshina Nzambi bikale batendelelamu Yehowa ne bamusambila. (1Bk 8:41-43) Bivua bikumbane bua Yezu kutandisha bena Yuda bavua bapanyisha bintu mu ntempelo bamuvuija tshisokomenu tshia banyengianganyi ba bintu. Malu avuabu benza au avua atekesha bantu ba mu bisamba bikuabu bionso bua kubenga kutendelela Yehowa mu nzubu wende wa disambila, bibapangisha mpunga wa kufika ku dimumanya.
Mutshi wa mfigi ne dilongesha dia ditabuja
Dibala dia Bible
LUMINGA LUA DIA 28/5–3/6
BIUMA BIA MU DÎYI DIA NZAMBI | MÂKO 13-14
“Kukuluki mu buteyi bua ditshina dia bantu”
Wakalonga mua kufuilangana luse
it-2 584 §6
Petelo
Petelo wakabuela mu lubanza lua muakuidi munene bualu bavua bamuambuluishe kudi muyidi mukuabu uvua pamuapa mumulonde anyi muye nende kua muakuidi munene. (Yne 18:15, 16) Kavua mushale musokome muaba mufiike to, kadi wakaya bua kuota mudilu. Bukenke bua mudilu buakenza bua bantu bajingulule ne: uvua mu bantu bavua benda ne Yezu, ne mushindu wende wa diakula uvua uleja ne: mmuena Galela wakabajadikila nanku. Pakabandabu Petelo, wakavila misangu isatu muvuaye kayi mumanye Yezu nansha kakese, ndekelu wa bionso kuditshipaye ne kuditshipa bua kuleja ne: kavua mumumanye to. Mu tshimenga amu nzolo wa tshitala kusamaye musangu muibidi, Yezu ‘kukudimuka, kutangilaye Petelo.’ Ke Petelo kupatuka pambelu, kutuadijaye kudila bikole. (Mat 26:69-75; Mâk 14:66-72; Luk 22:54-62; Yne 18:17, 18; Bala kabidi CHANT DU COQ; ne SERMENT.) Kadi Nzambi wakandamuna disambila dikavua Yezu musambidile Petelo, ne ditabuja diende kadiakateketa musangu umue to.—Luk 22:31, 32.
Dikeba bubanji bua mu Dîyi dia Nzambi
Malu manene a mu mukanda wa Mâko
14:51, 52: Nnganyi uvua nsongalume “wakanyema butaka”?
Badi baya ne Yezu kudi Ana ne pashishe kudi Kayifa
Dibala dia Bible