Tuakajayi Nyishilu Wetu​—Mua kufunda mikanda mimpe

MUSHINGA: Mukanda wa 1 Kolinto ngumue wa ku mikanda 14 ivua mupostolo Paulo mufundile bena Kristo nende bua kubakankamija. Padi muntu ufunda mukanda, udi ne dîba dia kusungula miaku mimpe, bualu muntu udiye uwutumina udi mua kuwubalula misangu ne misangu. Difunda dia mikanda mmushindu muimpe wa kufila bumanyishi kudi balela betu ne bamanyangana nabu. Idi kabidi mushindu muimpe wa kufila bumanyishi kudi bantu batudi katuyi mua kuyukila nabu mpala ne mpala to. Tshilejilu, muntu udi mua kuleja dijinga dia kumanya bulelela, kadi katuyi tumupeta kumbelu to. Kabidi, bidi mua kuikala bikole bua kupeta bantu bakuabu bualu badi mu nzubu anyi miaba idibu balame bikole, idi bantu bakuabu kabayi mua kubuela, peshi idi kule ne bantu. Mmalu kayi atudi ne bua kulama mu lungenyi nangananga patudi tufundila muntu utudi katuyi bamanye mukanda?

TSHIA KUENZA:

• 

  Funda tshiuvua mua kuambila muntu mpala ne mpala. Udimanyishe mu mêyi ebe a ntuadijilu, ne uleje patoke kafundila ka mukanda. Udi mua kufundila muntu lukonko ludi mua kumueleshisha meji ne kumuleja mua kupeta diandamuna dialu mu site wetu. Mufundila kabidi bua malongesha adi mu Bible wetu wa kudilongela nende wa ku Enternete, anyi bua programe wa dilonga dia Bible ku nzubu, umuleje bimue biena-bualu bia nshapita ya mu mikanda yetu itutu tulongeshangana nayi. Udi kabidi mua kuela mu mukanda amu karte ketu ka jw, dibeji dia dibikila, anyi trakte

• Funda mêyi makese. Mukanda webe kawikadi mule to, tshianana muntu uudi muwufundile udi mua kutshioka ne diwubala.​—Tangila mukanda wa tshilejilu udi mu dibeji dia 8

• Balulula mukanda webe misangu ya bungi bua kumbusha bilema, wikale mufunda bimpe ne mankenda, ne mupepele bua kuwubala. Wikale ne mêyi a bulunda, mufunda ne kanemu mu mushindu udi ukolesha. Wewe ne bua kuwutumina ku poste, udi ne bua kuwufutshila makuta