TUIKALAYI NE NSOMBELU WA BUENA KRISTO

Kuenji malu bu bena panu paudi ulongolola difesto dia dibaka to

Bena Kristo badi balongolola bua kuenza difesto dia dibaka badi ne mapangadika a bungi a kuangata. Badi mua kudiumvua basakibue bua kuenza difesto dia dibaka dia tuyayi tukamona, bu mutu bantu benza miaba idibu basombele. Balunda ne bena mu dîku badi mua kuikala ne yabu ngenyi ya mua kuenza difesto dia dibaka adi. Mmêyi manene kayi a mu Bible adi mua kuambuluisha bana betu badi balongolola difesto dia dibaka diabu bua kuikala ne kondo ka muoyo kimpe ne kubenga kunyingalala pashishe?

NUTANGILE FILME WA DIFESTO DIA DIBAKA DIDI DITUMBISHA YEHOWA, PASHISHE NUANDAMUNE NKONKO EYI:

Mmunyi muvua mêyi manene adi mu mvese eyi mambuluishe Nick ne Juliana?
Bua tshinyi bantu badi basua kuselangana badi ne bua kusungula muena Kristo mupie bua ikale “mulombodi wa tshibilu” tshia dibaka diabu?—Yne 2:9, 10.
Mmapangadika kayi avua Nick ne Juliana bangate bua difesto dia dibaka diabu? Bua tshinyi?
Nnganyi udi ne dipangadika dia ndekelu bua malu adi atangila dibaka ne difesto diadi?—w06 15/10 25 §10.

Tufoto tulamakaja: Bimfuanyi bia mu filme wa ‘difesto dia dibaka didi ditumbisha Yehowa.’ Nick ne Juliana bena Kristo balongolola difesto dia dibaka diabu, bikala ne mapangadika a bungi a kuangata. 1. Bena mu dibaka basambila muntu pa nkayende. 2. Tablete ne mabeji bileja makebulula adibu benze. 3. Bena mu dibaka bayukila ne bena mu dîku diabu mushindu wa kulongolola difesto dia dibaka. 4. Bena dibaka balongolola mabeji a dibikila bua difesto dia dibaka pamue ne bena mu dîku diabu ne balunda babu.