Malu adibu baledile mu Mabeji a tshisangilu tshia Nsombelu ne mudimu wetu
LUMINGU LUA DIA 2-8/12
BIUMA BIA MU DÎYI DIA NZAMBI | BUAKABULUIBUA 7-9
“Yehowa mmubeneshe musumba munene wa bantu bungi kabuyi kubala”
it-1-F 1014 §2
Musumba munene wa bantu
Bualu ebu budi bujula lukonko elu: Bikala “musumba munene wa bantu” eu mbantu bapanduka ne bashala pa buloba, bua tshinyi badi bamba ne: ‘mbimane kumpala kua nkuasa wa bukalenge wa Nzambi ne kumpala kua Muana wa mukoko’? (Bua 7:9) Imue misangu patu Bible wakula bua “dimana” kumpala kua muntu kampanda, bitu bileja ne: muntu au mmuanyishe bantu badi bimane kumpala kuende abu. (Mis 1:5; 5:5; Nsu 22:29; Luk 1:19) Ke bualu kayi, nshapita 6 wa Buakabuluibua udi wamba ne: “Bakalenge ba pa buloba ne bakokeshi banene ne bamfumu ba basalayi ne babanji ne bantu ba bukole ne mupika yonso ne muntu yonso udi ne budikadidi” badi bakeba mua kusokoma “ku mpala wa Yeye udi musombe mu nkuasa wa bukalenge ne ku tshiji tshikole tshia Muana wa mukoko, bualu dituku dinene dia tshiji tshiabu tshikole diafiki, nnganyi udi mua kuimana?” (Bua 6:15-17; tangila kabidi Luk 21:36) Nunku bidi bimueneka ne: “musumba munene wa bantu” au mbantu badi Nzambi mupandishe mu tshikondo tshia tshiji tshiende atshi, ne ‘mbimane’ bualu mbanyishibue kudiye ne kudi Muana wa mukoko.
it-2-F 1104 §2
Dikenga
Bidimu bitue ku makumi asatu panyima pa dibutuka dia Yelushalema, bakambila mupostolo Yone bua musumba munene wa bantu ba mu bisamba bionso ne mu bisa bionso ne mu bukua bantu buonso bavuaye mumone ne: “mbantu badi bafume mu dikenga dinene.” (Bua 7:13, 14) ‘Difuma dia bantu aba mu dikenga dinene’ didi dileja ne: mbapandukamu. Ke tshidi kabidi tshiambilu tshia muomumue tshidi mu Bienzedi 7:9, 10 tshileja. Tshidi tshiamba bua Jozefe ne: “Nzambi uvua nende, ne wakamusungila mu makenga ende onso.” Nanku disungidibua dia Jozefe mu makenga ende onso divua diumvuija ne: Nzambi uvua mumuambuluishe bua kuatantamena ne mumupandishe ku dikenga divuabu bamukengesha.
it-1-F 1014 §1
Musumba munene wa bantu.
Mua kuwumanya. Tshidi Buakabuluibua nshapita wa 7 wamba, ne tshidi mvese mikuabu idi yakula bua bualu bua muomumue ebu yamba ke tshidi tshituambuluisha bua kumanya “musumba munene wa bantu” eu. Buakabuluibua 7:15-17 udi wamba ne: Nzambi “neabalule ntenta wende pa mutu pabu” ne “neabalombole ku mishimi ya mâyi a muoyo” ne yeye “neakupule tshinsonji tshionso ku mêsu kuabu.” Mu Buakabuluibua 21:2-4 mudi biambilu bia muomumue bidi biamba muikala ‘ntenta wa Nzambi ne bantu,’ ‘muakupulaye tshinsonji tshionso ku mêsu kuabu’ ne muikala ‘lufu kalutshiyiku kabidi.’ Tshikena kumona etshi tshidi tshitangila bantu badi pa buloba, katshiena tshitangila bantu ba mu diulu mudi ‘Yelushalema Mupiamupia’ ufumina nansha.
Dikeba bubanji bua mu Dîyi dia Nzambi
Isalele wa Nzambi udi utuibua tshitampi
it-1-F 12 §3, 4
Abadona
Abadona, muanjelu wa dijimba dile menemene, nnganyi?
Kadi mu Buakabuluibua 9:11, badi bamba ne: “Abadona” ndîna dia “muanjelu wa dijimba dile menemene.” Dîna dia mu tshiena Greke didi difuanangane nadi ng’Apoluona, didi diumvuija “Mubutudi.” Mu bidimu bia 1800 bantu bavua bajinga kuleja ne: mêyi a mvese eu avua a buprofete ne avua akumbanyina bantu bu mudi mukalenge Vespasien, Mahomet anyi Napoléon, kabidi bavua bamona muanjelu au bu muanjelu “wa Satana.” Kadi tshia kumanya ntshia ne: mu Buakabuluibua 20:1-3 badi bambamu ne: muanjelu udi ne “lusapi lua ku dijimba dile menemene” au mmutumibue wa Nzambi mufumine mu diulu, ne udi usuika Satana, umuela mu dijimba dile menemene. Mukanda mukuabu udi umvuija Buakabuluibua 9:11 ne: “Abadona mmuanjelu wa Nzambi, ki ngua Satana to, bualu mudimu wa dibutula udiye wenza au ndisua dia Nzambi.”—The Interpreter’s Bible
Mvese ya mu tshiena Ebelu itukadi bakonkonone mmileje patoke ne: muaku avaddohn udi upetangana ne lukita, kabidi ne lufu. Mu Buakabuluibua 1:18 mudi mêyi a Yezu a ne: “Ndi ne muoyo bua kashidi ne tshiendelele, ne ndi ne nsapi ya lufu ne ya Lukita.” Luka 8:31 udi uleja bukokeshi budiye nabu pa dijimba dile menemene adi. Ebelu 2:14 udi pende uleja ne: Yezu udi ne bukole bua kubutula too ne Satana bualu udi wamba muvuaye muangate pende mubidi ne mashi bua “ku diambuluisha dia lufu luende avuije tshianana eu udi ne mushindu wa kukebesha lufu, mbuena kuamba ne: Diabolo.” Mu Buakabuluibua 19:11-16 mbalejamu bimpe mudiye Mubutudi udi ukumbaja malumbuluisha a Nzambi.—Tangila APOLUONA.
LUMINGU LUA DIA 9-15/12
BIUMA BIA MU DÎYI DIA NZAMBI | BUAKABULUIBUA 10-12
“Badi bashipa ‘bantemu babidi,’ pashishe bapetulula muoyo”
Nkonko ya babadi
Bantemu babidi badibu batele mu Buakabuluibua nshapita wa 11 mbanganyi?
Dikeba bubanji bua mu Dîyi dia Nzambi
it-2-F 821 §1
Muvungu
Ngumvuilu wa mu tshimfuanyi. Kudi miaba ya bungi mu Bible idibu bakula bua “muvungu” mu ngumvuilu wa mu tshimfuanyi. Yehezekele ne Zekâya bakamona muvungu mufunda munda ne panyima mu tshikena kumona. Pa tshibidilu bavua bafunda anu munda mua muvungu, kadi pavuabu bafunda munda ne panyima pawu bivua mua kuikala biumvuija ne: malu adibu bafunde au nga kuangata ne mushinga wa bungi. (Yhz 2:9–3:3; Zek 5:1-4) Mu tshikena kumona tshia mu Buakabuluibua, muntu uvua musombe mu nkuasa wa bukalenge uvua mukuate muvungu mu tshianza tshiende tshia balume, muvungu au uvua ne bitampi muanda mutekete, bienza bua muntu kamanyi bivuabu bafundamu too ne pavua Muana wa mukoko wa Nzambi ulua kubikangula. (Bua 5:1, 12; 6:1, 12-14) Pashishe anu mu tshikena kumona atshi, Yone wakalua kumona kabidi muanjelu umupesha muvungu ne umuambila bua kuwudia. Uvua mushême mukana mua Yone, kadi muvuije tshifu tshiende bululu. Bu muvua muvungu au wowu mubulula, kawuyi mutua tshitampi, mmumue ne: uvua ne malu avua bantu mua kumvua. Mukenji uvua mu muvungu uvua “mushême” bua Yone kuwumvua, kadi bidi bimueneka ne: uvua bululu bua kuwumanyishaye bantu bu muvuabu bamuambile. (Bua 10:1-11) Biakenzekela Yehezekele pende pavuabu bamupeshe muvungu uvua ne “tusala tua muadi, miadi ne kabobo ka muadi.”—Yhz 2:10.
it-1-F 673 §5-7
Didinyenga dia pa kulela
Mu tshikena kumona tshia mu Buakabuluibua, mupostolo Yone wakamona mukaji wa mu diulu udila “bua bivua bimusama ne bua dikengakana diende bua kulela.” Muana wakalelaye uvua “muana, muana wa balume, udi ne bua kukokesha bisamba bionso ne dikombo dia tshiamu tshifiike.” Bu muvua dragon wenza muende muonso bua kudia muana au, ‘bakamudiapula, kuyabu nende kudi Nzambi, ku nkuasa wende wa bukalenge.’ (Bua 12:1, 2, 4-6) Padibu banyenga muana baya nende kudi Nzambi bidi bileja ne: udi umuitaba ne: mmuanende. Pa kale, bantu bavua ne tshibidilu tshia kuya ne muana mutoke kudi tatuende bua itabe ne: mmuanende. (Tangila KULELA.) Nanku bidi bimueneka ne: “mukaji” eu ‘mmukaji’ wa Nzambi, mmumue ne: “Yelushalema wa muulu” udi ‘mamuende’ wa Kristo ne bana babu ba mu nyuma.—Gal 4:26; Eb 2:11, 12, 17.
Mu bulelela, “mukaji” wa Nzambi wa mu diulu uvua ne bua kuikala mupuangane, ne kulela kuende kakuvua ne bua kuikala kusama bu mutu kua bakaji bonso to. Ke bualu kayi didinyenga diende dia mu tshimfuanyi edi didi dileja ne: “mukaji” au uvua ne bua kumvua ne: ukavua pa kulela.—Bua 12:2.
Kadi “muana, muana wa balume” au uvua mua kuikala nganyi? Muana au uvua ne bua “kukokesha bisamba bionso ne dikombo dia tshiamu tshifiike.” Ke tshikavua Misambu 2:6-9 mumanyishe katshia ku kale bua Mukalenge Masiya uvua Nzambi mua kuteka. Kadi tshikena kumona etshi Yone mmutshimone bidimu bia bungi panyima pa Kristo mumane kuledibua, kufua, ne kubishibua ku lufu. Nanku bidi bimueneka ne: tshikena kumona etshi tshivua tshileja diledibua dia Bukalenge bua Mukalenge Masiya budi mu bianza bia Yezu Kristo Muana wa Nzambi wakabishibua ku lufu, ‘kusombaye ku tshianza tshia balume tshia Nzambi muindile too ne pavuabu bateka baluishi bende bu kabasa ka kutekelaye makasa.’—Eb 10:12, 13; Mis 110:1; Bua 12:10.
LUMINGU LUA DIA 16-22/12
BIUMA BIA MU DÎYI DIA NZAMBI | BUAKABULUIBUA 13-16
“Kutshinyi nyama idi ikuatshisha buôwa nansha”
Yehowa udi ‘musokolodi wa malu masokoka’
Diluangana ne nyama ibidi ya luonji
Diluangana ne nyama ibidi ya luonji
Malu manene a mu mukanda wa Buakabuluibua—Tshitupa 2
Dikeba bubanji bua mu Dîyi dia Nzambi
Malu manene a mu mukanda wa Buakabuluibua—Tshitupa 2
“Dipikudibua dienu dikadi pabuipi”!
LUMINGU LUA DIA 23-29/12
BIUMA BIA MU DÎYI DIA NZAMBI | BUAKABULUIBUA 17-19
“Mvita ya Nzambi yajikija mvita mikuabu yonso”
w08-F 1/4 8 §3, 4
Armagedone: Mvita ya Nzambi yajikija mvita mikuabu yonso
Patshidi bantu babi bakokesha, bantu bakane kabena mua kusomba mu ditalala ne bukubi nansha. (Nsumuinu 29:2; Muambi 8:9) Mu kuamba kuimpe, katuena mua kupangisha bantu badi bakosangana mishiku ne benza malu mabi bua kabaenji to. Nanku bua kupeta ditalala ne buakane bua kashidi, bidi bikengela anu kubutula bantu babi. Solomo wakafunda ne: “Muntu mubi udi tshia kupikula natshi muntu muakane.”—Nsumuinu 21:18.
Bu mudi Nzambi muikale Mulumbuluishi, tudi batuishibue ne: tshibawu tshionso tshiakoselaye bantu babi neabakoselatshi mu buakane. Abalahama wakakonka Nzambi ne: “Mulumbuluishi wa buloba bujima kakuenza tshidi tshiakane anyi?” Wakapeta diandamuna dia ne: Yehowa utu anu muakane! (Genese 18:25) Bualu bukuabu, Bible udi utujadikila ne: kabitu bienza Yehowa disanka bua kushipa bantu babi to; utu ufika ku dibashipa anu bualu ke dinyoka dia ndekelu didiye mua kubapesha.—Yehezekele 18:32; 2 Petelo 3:9.
it-1-F 439 §5
Kabalu
Mupostolo Yone wakamona mu tshikena kumona Yezu mutumbishibue mubande pa kabalu katoke, tshiluilu tshia bendeshi ba tubalu tshienda tshimulonda panyima, bonso babande pabu pa tubalu tutoke. Bavua bamuleje tshikena kumona atshi bua kumvuija ne: mvita yaluangana Kristo ne baluishi bonso ba Yehowa Nzambi Tatu wende nya buakane. (Bua 19:11, 14) Kadi kumpala bakavua bakule bua tshivua Kristo muenze pavuaye muangate bukalenge, ne bua makenga akalonda pashishe, maleja kudi bakuabu bendeshi ba tubalu bashilashilangane ne tubalu tuabu.—Bua 6:2-8.
Mukalenge-Muluanganyi udi utshimuna ku Armagedone
Mukalenge-Muluanganyi udi utshimuna ku Armagedone
Dikeba bubanji bua mu Dîyi dia Nzambi
Bualu busokome bukuate buôwa budi busokolodibua
Yehowa udi usokolola malu ‘enzeka mu katupa kîpi emu’
LUMINGU LUA DIA 30/12–5/1
BIUMA BIA MU DÎYI DIA NZAMBI | BUAKABULUIBUA 20-22
“Tangilayi! Ndi ngenda mvuija bintu bionso bipiabipia”
Diulu dipiadipia ne buloba bupiabupia
“Tangilayi! Ndi mvuija bintu bionso bipiabipia”
Yehowa n’Nzambi wa bulelela
Dikeba bubanji bua mu Dîyi dia Nzambi
it-2-F 1149 §6
Muoyo
Pavua Nzambi muelele Adama mukenji, uvua usua kuleja ne: bu yeye muwutumikile, kavua mua kufua nansha. (Gen 2:17) Nanku pabutulabu lufu ludi muena lukuna wa bantu wa ndekelu, bantu badi batumikila Nzambi kabakuikala kabidi ne mpekatu mu mibidi yabu udi ubakebela lufu to. Nebashale ne muoyo bua kashidi. (1 Ko 15:26) Nzambi neabutule lufu ku ndekelu kua bukokeshi bua Kristo. Mukanda wa Buakabuluibua udi wamba ne: bukokeshi abu nebuikale bua bidimu 1 000. Udi wamba bua bantu bikala bakalenge ne bakuidi pamue ne Kristo ne: “bakapetulula muoyo ne kukokeshabu bu bakalenge ne Kristo bidimu tshinunu.” “Bafue bavua bashale” bavua kabayi bapetulule muoyo “too ne pakajika bidimu tshinunu” bobu mbantu bikala ne muoyo ku ndekelu kua bidimu 1 000, kumpala kua kupatulabu Satana mu dijimba dile menemene bua kutetaye bantu bua musangu wa ndekelu. Ku ndekelu kua bidimu tshinunu abi, bantu bikala pa buloba nebalue kabidi bapuangane anu bu muvua Adama ne Eva kumpala kua kuenzabu mpekatu. Apu nebapete muoyo mupuangane wa bushuwa. Bantu bapita ku diteta dia ndekelu papatulabu Satana mu dijimba dile menemene bua tshitupa tshîpi nebapete muoyo mupuangane au bua kashidi.—Bua 20:4-10.
it-2-F 101 §5-7
Dijiba dia kapia
Tshiambilu etshi ntshia mu tshimfuanyi, ne mbatshitele anu mu mukanda wa Buakabuluibua. Bible nkayende udi ufila diumvuija diatshi dia mu tshimfuanyi wamba ne: “Etshi tshidi tshiumvuija lufu luibidi: dijiba dia kapia.”—Bua 20:14; 21:8.
Mvese mikuabu ya mu mukanda wa Buakabuluibua idi itela dijiba dia kapia edi ke idi ileja kabidi ne: ndia mu tshimfuanyi. Idi yamba ne: nebele lufu mu dijiba dia kapia edi. (Bua 19:20; 20:14) Kadi anu mutudi bamanye, lufu kaluena mua kuoshibua mu kapia kena dîna aka to. Badi bambamu kabidi ne: Diabolo udi tshifukibua tshia mu nyuma needibue pende mu dijiba amu. Bu mudiye kayi umueneka, kapia ketu kadi kamueneka aka kakena mua kumuosha nansha.—Bua 20:10; tangila kabidi Eks 3:2 ne Bal 13:20.
Bu mudi dijiba dia kapia dileja “lufu luibidi,” ne Buakabuluibua 20:14 wamba ne: “lufu ne Lukita” nebiedibuemu, bidi bimueneka ne: dijiba adi ki ndufu luetu ludi bantu bapiane kudi Adama elu anyi lukita lutudi bamanye nansha. (Lom 5:12) Kadi didi ne bua kuikala dileja lufu lua mushindu kampanda, lufu lua mu tshimfuanyi ludi muntu ufua kakuyi kabidi mushindu wa kupetululaye muoyo to. Bidi nanku bualu Bible kena wamba muaba nansha umue ne: “dijiba” adi nedipatule bantu badi bafuamu bu mudi lufu lua mu Adama ne lukita bipatule badimu to. (Bua 20:13) Nanku bantu badi mêna abu kaayi mu “mukanda wa muoyo,” baluishi ba bukokeshi bua Nzambi badi kabayi bashintuluka ke belabu mu dijiba dia kapia adi, mmumue ne: dibutudibua dia kashidi didi lufu luibidi.—Bua 20:15.