TUIKALAYI NE NSOMBELU WA BUENA KRISTO

Mudi bena dibaka mua kukolesha dibaka diabu

Abalahama ne Sala mbilejilu bimpe bua bena mu mabaka badi banangangane ne banemekangana. (Gen 12:11-13; 1Pt 3:6) Nansha nanku, dibaka diabu kadivua dipuangane to, bavua pabu ne ntatu ya kutantamena. Kukonkonona tshilejilu tshiabu kudi mua kuambuluisha bena dibaka mushindu kayi?

Ikalayi nuyikila. Muena dibaka nebe yeye muambe bualu mu tshiji, muandamuna ne budipuekeshi. (Gen 16:5, 6) Ikalayi nupitshisha dîba pamue. Jadikila muena dibaka nebe mu mêyi ne mu bienzedi ne: udi mumunange. Kupita bionso, tabalelayi malanda enu ne Yehowa pa kulonga, kusambila, ne kuenza malu a ntendelelu pamue. (Mbi 4:12) Mabaka makole atu ambika Yehowa mufuki wa dibaka lumu.

NUTANGILE FILME WA MUNUDI MUA KUKOLESHA DIBAKA DIENU, PASHISHE NUANDAMUNE NKONKO EYI:

Mu filme eu, ntshinyi tshidi tshileja ne: malanda a Shaan ne Kiara avua enda anyanguka?
Bua tshinyi mbimpe bena dibaka bikale bayikila badilekelele ne muoyo mujima?
Mmunyi muvua tshilejilu tshia Abalahama ne Sala tshiambuluishe Shaan ne Kiara?
Mmalu kayi avua Shaan ne Kiara benze bua kukolesha dibaka diabu?
Bua tshinyi ki mbimpe muntu atekemene ne: muena dibaka nende neikale wenza anu malu mimpe?

Foto bilamakaja ya mu filme wa ‘Munudi mua kukolesha bibaka dienu.’ Shaan ne Kiara benza malu bua kukolesha dibaka diabu. 1. Basombe muntu yonso mutangile luende luseke. 2. Bakuatangane ku bianza. 3. Bayisha pamue ne disanka. — Udi mua kukolesha pebe diebe dibaka!