Mua kuimana kabidi ne makasa etu

Kudi misangu idi ntatu ne malu makole mua kututshiokesha tudiumvua bashikile, tukeba tshia kuenza bua kupita nabi bimpe. Kadi mu bikondo bia nanku, tuetu belangane meji a tshikena kumona tshia diakajilula malu tshidi mu Yehezekele tudi mua kupetulula bukole. Bua tshinyi? Mêyi a buprofete aa adi mua kutulongesha ne: Nzambi udi ne bukole bua kupeshilula mifuba mifue muoyo eu, udi kabidi mua kutupesha bukole butudi tukengela bua kutantamena ntatu yetu nansha tuetu tuyimona mitupitshile mutu.​—Bala Misambu 18:29; Filip. 4:13.

Mbimpe tuvuluke ne: bidimu nkama ya bungi kumpala kua diledibua dia Yehezekele, muprofete Mose ukavua muambe ne: Yehowa udi ne bukole, kabidi ne dijinga dia kukolesha bantu bende. Wakafunda ne: “Nzambi udi tshinyemenu katshia ku bikondo bia kale, maboko ende a tshiendelele adi muinshi muebe.” (Dut. 33:27) Tuikalayi batuishibue ne: tuetu beyemene Yehowa mu tshikondo tshia ntatu, neele maboko ende muinshi muetu, utujula bimpe bimpe, ne utuambuluisha bua tuimane ne makasa etu.​—Yeh. 37:10.