DILONGA DIA 11

Disanka

Lomo 12:11

TSHIA KUENZA: Akula ne muoyo mujima bua kukankamija bateleji ne kubasaka ku dienza bualu kampanda.

Biudi wamba bidianjile kulenga muoyo webe. Paudi ulongolola muyuki webe, ela meji bikole bua mushinga udi nawu biwamba. Manya malu awamba bimpe bua wakule ne muoyo mujima.
Ikala ne bateleji mu lungenyi. Ela meji bua muikala malu awabala anyi awalongesha mua kuambuluisha bantu bakuabu. Keba mishindu ya kuamba malu au bua kusaka bateleji bebe bua baanyishe bikole.
Enza muyuki webe ne musangelu. Akula ne muoyo mujima. Akula ne jeste muutu wakula pa tshibidilu bua kuleja muudi udiumvua; mpala webe aleje pende muudi udiumvua.

Epuka bua kubueji bateleji mu ditanaji pa kuenza jeste imue imue bishala bu tshilele. Jeste yebe yikale ileja bualu. Akula ne disanka nangananga paudi ulongesha ngenyi minene ne usaka bateleji ku dienza bualu kampanda. Kutshiokeshi bateleji ne disanka dipitepite mu muyuki webe mujima to.