Kampanye ka pa buaku ka kutuadija kulombola malonga a Bible mu ngondo wa 9

Mu ngondo wa 9 emu, netudienzeje bikole bua kulomba bantu ku nzubu ne ku nzubu bua tulonge nabu Bible ne broshire wa Shala ne muoyo kashidi! Bamanyishi badi mua kuangata bumpanda-njila buambuluishi bua mêba 30. Mmushindu kayi utuaditue petu mu kampanye ka pa buaku aka?

• Mu tshitupa tshia diyisha muntu musangu wa kumpala: Kuata mudimu ne dibeji dia ndekelu dia broshire bua kukoka ntema ya muntu, ne uleje mutu dilonga dia Bible dienzeka. Uvuluke bantu bavua baleje dijinga kumpala, ne bawapinganyine. Nansha biobi ne: kabavua bitabe bua kulonga Bible, mushindu mupiamupia utudi tulongesha ne broshire bidi pamuapa mua kubasankisha. Katuena ne bua kushiya broshire kumbelu kudi kakuyi bantu anyi kuyituma mu mikanda itudi tutumina bantu bavua kabayi banji kuleja dijinga to. Komite wa mudimu wa tshisumbu udi mua kulongolola bua kuenzaka bisangilu bikuabu bia mudimu munkatshi mua ngondo.

• Mpunga mikuabu: Tshisumbu netshiteke broshire wa Shala ne muoyo kashidi! ku tumatempu tua kutekela mikanda tshiotshi tshikale tshikuata natu mudimu. Nuleje badi bangata broshire ne: padibu bamuangata Ntemu wa Yehowa udi mua kulua kubatangila bua kulonga nabu Bible. Umuleje mututu tulonga Bible ne bantu paudi uyukila nende apu anyi udi mua kumuleja dîba dikuabu. Mutangidi wa mudimu udi mua kuenza bua bamanyishi bakadi bakumbane baye miaba itu bantu benzela midimu mu teritware bua kubalongesha Bible. Udi kabidi mua kulomba bena mudimu nebe bua ulonga nabu Bible, anyi bantu baudi upeta paudi wenda uyisha padi mpunga umueneka.

Yezu mmututumine dîyi bua ‘tuvuije bantu bayidi,’ ‘tubalongeshe.’ (Mat 28:19, 20) Kampanye ka pa buaku aka katuambuluishe koku bua kukumbaja tshipatshila tshietu tshia kuenza mudimu ne broshire wa Shala ne muoyo kashidi!