Programe wa lumingu lua dia 26/3

LUMINGU LUA DIA 26/3

Musambu 92 ne disambila

□ Dilonga dia Bible dia Tshisumbu:

lv nshap. 8 §19-26, kazubu dib. 94 ne 96 (Min. 25)

□ Kalasa ka Mudimu wa Nzambi:

Dibala dia Bible: Yelemiya 12-16 (Min. 10)

No. 1: Yelemiya 13:1-14 (Min. 4 anyi mikese)

No. 2: Mbantu kayi badi mua kudia ne kunua mu Tshivulukilu?​—rs-F dib. 243 §3-4 (Min. 5)

No. 3: Tudi ne bua kuenza Tshivulukilu misangu bungi kayi? Dîba kayi?​—rs-F dib. 244 §3–dib. 245 §1 (Min. 5)

□ Tshisangilu tshia Mudimu:

Musambu 124

Min.  5: Mamanyisha. Uleje bena mu tshisumbu bungi bua teritware idi mishale inudi kanuyi banji kuabanya mabeji a dibikila nawu bantu mu Tshivulukilu.

Min. 10: Kanupu muoyo diakidila dia benyi. (Eb. 13:1, 2) Muyuki wenzabu kudi mukulu. Uvuluije bantu malu anudi balongolole bua Tshivulukilu. Uleje bantu bonso mua kuakidila benyi ne bamanyishi batu kabayi babuela kabidi mu bisangilu. Wenzeje dinaya dîpi mu bitupa bibidi. Tshia kumpala, mumanyishi udi wakidila muntu uvuabu babikile mu Tshivulukilu kumpala kua tshisangilu kutuadijatshi. Tshibidi, padi Tshivulukilu tshijika udi umvuangana ne muntu au bua kuya kumutangila.

Min. 20: “Bufuki budi bumanyisha butumbi bua Nzambi.” Mu nkonko ne mandamuna. Angata malu a mu tshikoso tshia kumpala bu mêyi a mbangilu, ne malu a mu tshikoso tshia ndekelu bu mêyi ebe a ndekelu. Ulombe bateleji bua baleje mudi filme eu mubambuluishe ne mushindu wa kuenza nende mudimu mu buambi.

Musambu 110 ne disambila

Bufuki budi bumanyisha butumbi bua Nzambi

Bantu ba bungi batu basue kutangila bifukibua. Kadi anu bantu bakese ke batu bajingulula ne: bintu ebi bidi bileja meji a Mufuki wetu Munene ne mudiye udiumvua. (Lomo 1:20) Davidi wakalonga malu adi atangila Yehowa ku diambuluisha dia Dîyi diende kukadi bidimu bia bungi. Kadi ‘wakamona’ kabidi Yehowa ne kusemenaye pabuipi nende ku diambuluisha dia bifukibua. (Mus. 8:3, 4) Filme wa Les merveilles de la création révèlent la gloire de Dieu (Bufuki budi bumanyisha butumbi bua Nzambi) udi utuambuluisha tuetu, bana batudi nabu ne balongi betu ba Bible bua kumona bimue bifukibua bia Yehowa, ne kumanya ngikadilu ne bumuntu bua Mufuki wetu Munene. Bualu ebu nebutusemeje pabuipi nende. Paudi ujikija kutangila filme eu, utetaku kuandamuna nkonko idi ilonda eyi:

1) Mmushindu kayi udi bunene bua tshibuashibuashi ne mudi bintu bidimu bikale mu bulongame ukolesha dianyisha diebe kudi Yehowa? (Yesh. 40:26) 2) Patudi tutangila bimpe mâyi, tudi tupeta dilongesha kayi bua Muntu udi muafuke? (Buak. 14:7) 3) Bunene bua buloba ne ntanta udi pankatshi pabu ne dîba bidi bileja ne: Yehowa udi ne meji a mushindu kayi? 4) Ngondo udi ne mudimu kayi? (Mus. 89:37) 5) Tshidi tshileja ne: Yehowa uvua mufuke bantu bua bikale ne disanka ntshinyi? 6) ADN ntshinyi? (Mus. 139:16) 7) Bantu batu bashilangane ne bifukibua bikuabu bia pa buloba ku tshinyi? (Gen. 1:26) 8) Mmalu kayi audi mutekemene ne muoyo kulu kulu bua kumona mu bulongolodi bupiabupia?

Malu makuabu: 9) Mekala atu afumina kuepi? 10) Mâyi adi enda mu mutshi afika too ne mu katongobela mushindu kayi? 11) Mâyi atu ne mudimu kayi mu mubidi wa muntu? 12) Fila bilejilu bia mudi bintu bidi ne muoyo biumvuangana. 13) Bifukibua bitu biambuluishangana mushindu kayi? 14) “Angle d’or” ntshinyi? Udi umueneka mu bufuki munyi? (g-F 9/06 24-25)

‘Tangilayi bimpe’ bifukibua bia Yehowa: Yezu wakatuambila bua ‘kutangila nyunyi ya mu diulu bimpe’ ne bua kulongela ku ‘bilongo bia mu mpata.’ (Mat. 6:26, 28, NW) Kuenza nunku kudi kukolesha ditabuja dietu, kutusaka bua kueyemena Mufuki wetu ne kudi kutuambuluisha bua kuleja dianyisha bua meji, bua bukole bua kutupandisha nabu ne bua dinanga didi nabi Yehowa. Pamutu pa kulekela midimu ya mu bulongolodi ebu ikubueja mu ditanaji, udienzeje bua kupeta dîba dia kubandila bintu bia dikema bidi Yehowa mufuke ne kuela meji bua tshidibi bitulongesha bua Nzambi wetu Munene.​—Mus. 19:1.