Yehowa udi utupesha Mupandishi

29 Muntu wa kumpala uvua Nzambi mufuke uvua bu muanende muan’abute.

Nzambi mmumunange bikole ne neenze nende mudimu bua kubutula bantu babi ne kupandisha bena butumike. —Yone 3:16, 36

30 Yehowa wakatuma muanende bua kuledibuaye pa buloba. Bakamupa dina dia Yezu. Mamuende uvua ubikidibua ne: Mariya. —Luka 1:30-35

31 Pakakola Yezu, wakatuadija kulongesha malu mempe a bungi, wamba ne: Yehowa udi Nzambi umu’eple mulelela. —Mako 12:29, 30

Yezu wakamba ne: tudi ne bua kutendelela anu Yehowa.—Matayi 4:10; Yone 4:23, 24

Wakalongesha kabidi bantu malu adi atangila Bukalenge bua Yehowa.—Luka 17:20, 21

32 Yezu uvua wondapa babedi ne wakenza kabidi malu mempe a bungi. Kavua muenze bualu bubi nansha bumue. —Bienzedi 10:38; 1 Petelo 2:21, 22

Kadi mmunyi muvuaye mua kutupikula ku mpekato ne ku lufu?

33 Uvua ne bua kulambula Nzambi mulambo bua kupandisha bantu bakane. Ku kale, Nzambi uvua muambile bantu bua kulambulabo nyama bua dijimija dia mpekato yabo. —Ebelu 7:25, 27

34 Yezu kakalambula nyama to. Wakadifila yeye nkayende bu mulambo bua bualu buetu. —Matayi 20:28; Ebelu 10:12

Udi mumanye tshivuaye muenzele nanku anyi?