Mmunyi munudi mua kusomba bimpe mu dîku?

Dinanga didi diambuluisha bena mu dîku bua kuikala ne disanka. Efeso 5:33

Nzambi udi wamba ne: mulume udi ne bua kuikala ne mukaji anu umue, mukaji pende ne mulume anu umue.

Mulume udi munange mukajende udi umuenzela malu ne luse, udi umumvuila.

Mukaji udi ne bua kueleshangana diboko ne bayende.

Bana badi ne bua kutumikila baledi babu.

Ikala muena malu mimpe, muntu wa kueyemena; kuikadi muena tshikisu anyi muntu udibu kabayi mua kueyemena to. Kolosai 3:5, 8-10

Dîyi dia Nzambi didi diamba ne: mulume udi ne bua kunanga mukajende bu mudiye mudinange, ne mukaji udi ne bua kunemeka bayende bikole.

Kumanyangana ne muntu udi kayi mukajebe anyi bayebe nkubi. Kusela bakaji babidi anyi ba bungi nkubi kabidi.

Dîyi dia Nzambi didi dilongesha bena mu dîku mushindu wa kuikala ne disanka.