KAZUBU KA 18A
Yehowa udi utudimuija bua mvita minene idi ilua
Mu Bible mudi mêyi a buprofete a bungi adi akula bua mvita ya kafuafuayi ikala Yehowa ne bua kubutula bantu badi bamuluisha yeye, baluisha ne bantu bende. Muaba eu, tudi bafunde anu amue a ku mêyi a buprofete au. Teta bua kumona mudiwu mafuanangane ne mudi Yehowa muenze muende muonso bua bantu bikale ne mpunga wa kuateleja ne kuenza bualu kampanda bua kudipandisha.
KU KALE MU ISALELE
YEHEZEKELE: “‘Nembikidile [Goga] muele wa mvita pa mikuna yanyi yonso,’ ke mudi Mukalenge Mutambe Bunene Yehowa wamba.”—Yeh. 38:18-23.
YELEMIYA: “[Yehowa] nkayende nealumbuluishe bukua bantu buonso. Ne neafile bantu babi ku muele wa mvita.”—Yel. 25:31-33.
DANYELE: “Nzambi wa mu diulu neajadike bukalenge bukuabu . . . nebuzaze makalenge aa onso ne nebuatuishe ku ndekelu.”—Dan. 2:44.
MU BIDIMU LUKAMA BIA KUMPALA P.Y.
YEZU: “Nekuikale dikenga dinene dia buena ditu kadiyi dianji kuenzeka katshia ku tshibangidilu tshia buloba.”—Mat. 24:21, 22.
PAULO: ‘Yezu ne banjelu bende ba bukole balua kudisombuela kudi bantu badi kabayi bamanye Nzambi.’—2 Tes. 1:6-9.
PETELO: “Dituku dia Yehowa nedilue bu muivi, . . . ne buloba ne bintu bidipu nebiedibue patoke.”—2 Pet. 3:10.
YONE: “Mukana [mua Yezu] mudi mupatuka muele wa mvita mule mutue, udiye ne bua kutapa nawu bisamba.”—Buak. 19:11-18.
MATUKU ETU AA
Bible mmukanda udibu bakudimuna ne babanyina bantu bikole kupita mukanda kayi mukuabu wonso
BATENDELEDI BA YEHOWA BA LELU . . .
Batu babanya mikanda itu yumvuija Bible mu miakulu nkama ya bungi
Batu benza mêba miliyo ya bungi tshidimu tshionso etshi bayisha bantu