Ntshinyi tshidi Bible wamba?

Bukalenge bua Nzambi ntshinyi?

BAMUE BANTU BADI BELA MEJI NE: budi mu muoyo wa muntu; bakuabu badi bobu bamba ne: ntshipeta tshia padi muntu udienzeja bua kufila ditalala pa buloba ne dinanga dia buena muntu. Kadi wewe udi wela meji kayi?

TSHIDI BIBLE WAMBA

‘Nzambi wa mu diulu neajadike bukalenge bukuabu budi kabuyi bubutudibua tshiendelele. Nebutshibule makalenge aa [a bantu] onso bitupa bitupa, nebuabutule.’ (Danyele 2:44) Bukalenge bua Nzambi mbulamatadi mulelela.

MMALU KAYI MAKUABU ATUDI TULONGA MU BIBLE?

• Bukalenge bua Nzambi budi bukokeshila mu diulu.​—Matayi 10:7; Luka 10:9.

• Nzambi udi wenza mudimu ne Bukalenge buende bua kukumbaja disua diende mu diulu ne pa buloba.​—Matayi 6:10.

Bukalenge bua Nzambi nebulue dîba kayi?

UDI MUA KUANDAMUNA BISHI?

• Muntu nansha umue ki mmumanye

• Mu katupa kîpi emu

• Kabuakulua to

TSHIDI BIBLE WAMBA

‘Nebayishe lumu luimpe elu lua Bukalenge pa buloba bujima budi bantu basombe bua luikale bujadiki kudi bisamba bionso, pashishe, nshikidilu nealue.’ (Matayi 24:14) Tshikondo tshiayishabu lumu luimpe pa buloba bujima budi bantu basombe, Bukalenge bua Nzambi nebulue kumbusha ndongoluelu wa malu mubi eu.

MMALU KAYI MAKUABU ATUDI TULONGA MU BIBLE?

• Kakuena muntu nansha umue pa buloba udi mumanye dîba dialua Bukalenge bua Nzambi to.​—Matayi 24:36.

• Milayi ya mu Bible idi ileja ne: Bukalenge bua Nzambi bukadi pa kulua.​—Matayi 24:3, 7, 12.