Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 27 ngondo wa 8 wa 2012. Mbakumbaje kabidi matuku a ngondo a lumingu luvuabu bakonkonone bualu buonso.

1. Tshikena-kumona tshia Yehezekele tshia bena Yuda bavua balue batontolodi tshidi tshileja tshinyi? Tudi tupeta dilongesha kayi dinene? (Yeh. 8:15-17) [2/7, w07 1/7 dib. 13 tshik. 6; w93-F 15/1 dib. 27-28 tshik. 7, 12]

2. Bamfumu ba bitendelelu ba lelu badi bidikija baprofete ba dishima ba mu tshikondo tshia Yehezekele mushindu kayi? (Yeh. 13:3, 7) [9/7, w99 1/10 dib. 13 tshik. 14-15]

3. Udibu babikila mu Yehezekele 17:22-24 ne: “ditamba ditekete” nnganyi? ‘Mukuna mule munangapale’ kudibu bakuna ditamba ditekete ntshinyi? Ditamba edi nedilue “mutshi wa cèdre muakane” mushindu kayi? [16/7, w07 1/7 dib. 12-13 tshik. 6]

4. Bilondeshile lusumuinu ludi mu Yehezekele 18:2, bena Isalele bavua ne Yehezekele mu bupika bavua bamba ne: uvua ubakengeshisha nnganyi? Ndilongesha kayi ditudi tupetela ku bualu ebu? [23/7, w88-F 15/9 dib. 18 tshik. 10]

5. Mmunyi mudi bualu budibu bambe mu Yehezekele 21:18-22 buleja ne: bantu nansha bademon kabena mua kushintulula malu adi Yehowa mulongolole bua kuenza? [30/7, w07 1/7 dib. 14 tshik. 4]

6. Bilondeshile Yehezekele 24:6, 11, 12, dimoma dia luesu didi dileja tshinyi? Mbualu kayi butudi tupeta mu mvese wa 14? [6/8, w07 1/7 dib. 14 tshik. 2]

7. Mulayi uvua utangila tshimenga tshia Tulo uvua mukumbane mushindu kayi? [6/8, it-1-F dib. 75, kazubu; si dib. 133 tshik. 4]

8. Mbiambilu kayi bidi mu Yehezekele 28:2, 12-17 bidi bikumbanyina ‘mukalenge wa Tulo’ ne Satana? [13/8, w05 15/10 dib. 23-24 tshik. 10-14; it-2-F dib. 550 tshik. 3-4]

9. Ejipitu uvua mushale munda mutupu bua bidimu 40 dîba kayi? Ntshinyi tshidi tshileja ne: bualu abu buvua buenzeke? (Yeh. 29:8-12) [13/8, w07 1/8 dib. 8 tshik. 5]

10. Yehezekele uvua muenze tshinyi pavua bantu kabayi bitaba malu avuaye ubambila, bamuseka, kabayi bamuteleja? Yehowa wakamujadikila tshinyi? (Yeh. 33:31-33) [20/8, w91-F 15/3 dib. 16 tshik. 16-17]