Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga ne bantu mu Disambombo dia kumpala dia ngondo 4

“Tudi tulomba bantu bua bikala babala Bible. Kadi ba bungi badi bela meji ne: mbikole bua kumumvua. Ke muutu pebe umona anyi? [Lekela muntu andamune.] Tangila tshidi mukanda eu wamba.” Umuleje tshiena-bualu tshidi mu dibeji dia ndekelu dia Tshibumba tshia Nsentedi tshia dia 1/4. Balayi nende malu adi mu lukonko lua kumpala. Nubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko lukuabu.

Tshibumba tshia Nsentedi 1/4

“Muntu yonso utudi tuyikila nende udi ne malu adi mamutonde. Ke bualu kayi bamue badi badiebeja bua tshinyi mene badi ne muoyo. Buebe wewe, tshidi mua kuikala tshitamba kupangisha bantu bikole bua kuikala ne disanka ntshinyi? [Lekela muntu andamune.] Bible udi wamba ne: Nzambi ukadi pa kumusha ntatu itudi nayi lelu. [Bala Buakabuluibua 21:4.] Mukanda eu udi wakula bua malu mimpe adi matuindile kumpala eku, ne tshitudi mua kuenza bua kuikala ne disanka nansha lelu.”

Réveillez-vous! Ngondo 4

“Mvita idi yenzeka mu mabaka a bungi. Bamue badi bamba ne: tulasa tudi muntu mulonge, dîku diabu anyi muaba uvuaye mukolele ke bitu kabidi bikebesha mvita eyi. Buebe wewe, tshitu tshitamba kukebesha mvita mu mêku ntshinyi? [Lekela muntu andamune.] Bible udi uleja mudi mulume ne mukaji ne bua kusomba. [Bala Efeso 5:33.] Mukanda eu udi uleja muvua amue mabaka mashintuluke pavua mulume ne mukaji batumikile mibelu ya mu Bible.”