Mandamuna a nkonko yenu

▪ Ndîba kayi diudi mua kuimanyika dilonga dia Bible ne muntu?

Bikala mulongi wa Bible katshiyi uya kumpala mu nyuma, udi mua kulekela kulonga nende Bible ne bukalanga buonso. (Mat. 10:11) Mona malu a kutabalela: Utshidiku unemeka dîba dinudi bumvuangane bua kulonga anyi? Utshidiku udianjila kulongolola dilonga anyi? Utuku ubuela nansha mu bimue bisangilu anyi? Utuku wambila bakuabu malu adiye ulonga anyi? Udiku ushintulula malu mu nsombelu wende bua kutumikila mikenji ya mu Bible anyi? Nansha nanku, utangile kabidi bidimu biende ne makanda ende a mubidi; wikale mumanye ne: bantu bonso kabatu anu baya kumpala mu mushindu wa muomumue to. Bualu bukuabu, wewe mulekele kulonga ne muntu, wenze bua amanye ne: nansha matuku adi kumpala, yeye mudiakaje udi mua kutuadija kulonga kabidi.​—1 Tim. 2:4.