TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • wp20 No. 3 dib. 4-5
  • Nzambi wetu wa dinanga udi ututabalela

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Nzambi wetu wa dinanga udi ututabalela
  • Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2020
  • Tumitu tua bualu
  • Bintu bia muomumue
  • 1. MUFUKI WETU UTU UTUBANDISHILA DÎBA
  • 2. MUFUKI WETU UTU UTULOKESHILA MVULA
  • 3. MUFUKI WETU UTU UTUPETESHA BIAKUDIA NE BILAMBA
  • Keba Bukalenge, kukebi bintu nansha
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2016
  • Tuikalayi ne dianyisha bua mutu mvula iloka
    Tshibumba tshia Nsentedi tshidi tshimanyisha Bukalenge bua Yehowa—2009
  • Longa mua kumanya tshidi Mufuki webe
    Tshibumba tshia Nsentedi tshidi tshimanyisha Bukalenge bua Yehowa—1999
  • Muntu udi muenze bintu bionso
    Longa malu kudi Mulongeshi Munene
Tangila bikuabu
Tshibumba tshia Nsentedi tshidi tshimanyisha Bukalenge bua Yehowa (Tshia bantu bonso)—2020
wp20 No. 3 dib. 4-5
Dîba dipatukila ku mikuna.

Nzambi wetu wa dinanga udi ututabalela

1. MUFUKI WETU UTU UTUBANDISHILA DÎBA

Anji fuanyikijabi muvua nsombelu mua kuikala pa buloba bu kuoku kakuyi dîba? Dîba didi dipetesha mitshi bukole bua kupatula mabeji, bilongo, misa, ne bua kukuama bimuma ne mamiinu. Didi diambuluisha kabidi mitshi bua kukoka mâyi mu buloba ku diambuluisha dia miji. Mâyi au adi abanda mu mabeji, pashishe enza dibungi mu lupepele.

Budimi bua tshiayi bumuenekela ku luseke lua mukuna.

2. MUFUKI WETU UTU UTULOKESHILA MVULA

Mvula ndipa dia mushinga mukole dia kudi Nzambi didi diambuluisha buloba bua kutupatuila biakudia. Nzambi udi utulokeshila mvula ya mu diulu, utupesha mivu ya biakudia, utukutshisha ne biakudia ne uwuja mioyo yetu ne disanka.

Kanyunyi ku ditamba dia mutshi, kipatshila bua kudia kamuma kadi kamata.

3. MUFUKI WETU UTU UTUPETESHA BIAKUDIA NE BILAMBA

Baledi ba bungi batu basamisha mutu bua kupetesha bena mu mêku abu biakudia bikumbane ne bilamba. Mona tshidi Bible wamba: “Tangilayi nyunyi ya mu diulu bimpe; kayitu ikuna mamiinu anyi inowa peshi ikunguija bintu mu mayeba, kadi Tatu wenu wa mu diulu udi uyidisha. Nuenu kanuena bayipite ku mushinga anyi?”​—Matayi 6:25, 26.

“Longelayi malu kudi bilongo bia kapapankole bia mu mpata, mushindu udibi bikola . . . ; kadi ndi nnuambila ne: nansha [Mukalenge] Solomo mu butumbi buende buonso kavua muvuale bu tshimue tshia kudibi to. Nunku, bikala Nzambi uvuadika bisonsa bia mu mpata . . . , kenaku mua kunuvuadika nuenu” anyi?​—Matayi 6:28-30.

Bu mudi Nzambi ne bukole bua kutupesha biakudia ne bilamba, kakuyi mpata neatuambuluishe kabidi bua kupeta bintu bikuabu bia mushinga mu nsombelu. Patudi tuenza disua diende, udi mua kubenesha bionso bitudi tuenza bua kupeta biakudia anyi udi mua kutuambuluisha bua kupeta mudimu bua tuetu kusumba bitudi nabi dijinga.​—Matayi 6:32, 33.

Bushuwa, kudi malu mimpe adi atusaka bua kunanga Nzambi patudi tutangila dîba, mvula, nyunyi, ne bilongo. Tshiena-bualu tshidi tshilonda netshileje muvua Mufuki wetu muyukile ne bantu.

Mufuki wetu ‘utu ubandishila bantu dîba diende ne ubalokeshila mvula.’​—MATAYI 5:45

Mufuki wetu mmutunange bikole ne udi ututabalela. Anu bu tatu wa dinanga, udi utabalela dîku diende. Mifundu ya tshijila idi ileja ne: Nzambi mmupeshanganyi wa bintu; ‘mmumanye bitudi nabi dijinga kumpala mene kua tuetu kumulomba.’​—Matayi 6:8.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu