Diteka pa muaba wa bakuabu

Kuditeka pa muaba wa bakuabu nkumvua mudibu bumvua, kuela meji mudibu baela, kumona malu mudibu baamona, ne kutabalela majinga abu. Mbipepele bua bantu kumonabu mutudi tuditeka pa muaba wabu, ne bidi bitusaka bua kubambuluisha ne muoyo mujima. Patudi tuditeka pa muaba wa bantu batudi tuyisha, tudi tuidikija dinanga dia Yehowa ne ditabalelangana diende, ne bidi bikoka bantu kudiye.​—Flp 2:4.

Diditeka pa muaba wa bakuabu ki mmushindu patupu wa kuenza malu to, didi dimuenekela ku mushindu utudi tuteleja ne tuakula, ne ku mushindu wetu wa dienza malu, ku jeste ne ku tshilunji tshietu. Tudi tuditeka pa muaba wa muntu patudi tumutabalela ne muoyo mujima. Mpatudi tutabalela kabidi malu adiye musue, atuye witabuja, ne mushindu utudi bamusangane. Tudi tuleja muntu tshia kuenza ne tumuambuluisha, kadi katuyi tumusuya anu bua ashintuluke to. Padi bantu bitaba bua tuetu kubambuluisha, disanka dietu dia kuyisha didi divula.

NUTANGILE FILME WA AKAJA NYISHILU WEBE, UPETE DISANKA DIA KUVUIJA BANTU BAYIDI: DITEKA PAMUABA WA BAKUABU, PASHISHE NUANDAMUNE NKONKO EYI:

• 

  Pavua Jade mufike panyima pa dîba, mmunyi muvua Neeta muditeke pa muaba wende?

• 

  Mmunyi muvua Neeta muditeke pa muaba wa Jade pavuaye mumuambile ne: dilonga dikavua dimutshiokesha?

• 

  Pavua Jade muambile Neeta ne: kavua nangananga ne bulongame mu malu ende, Neeta uvua muditeke pa muaba wende mushindu kayi?