Mayele a mua kudilongela

Manya malu a bungi a ngikadilu milenga ya Yehowa

Patudi tubala Bible, mbimpe tuenze makebulula bua tumvue bitudi tubala. Kadi katuikadi tudilongela bua kuvudija anu dimanya dietu patupu to. Tulonge bua kumanya malu a bungi a bumuntu bua Yehowa bua tumunange bikole. Bua kuenza nanku, mbimpe tudiebeje ne: ‘Bualu ebu budi bundongesha tshinyi bua Yehowa?’

Tshilejilu, tukebe bua kumanya malu a bungi a muvua Yehowa muleje dinanga, meji, buakane, ne bukole. Kadi kudi ngikadilu mikuabu ya Yehowa itudi mua kulonga. Nkuepi kuudi mua kupetela malu a muvuaye muleje ngikadilu yende?

Tangila Mukanda wa makebulula wa Bantemu ba Yehowa mu tshitupa tshia “Yehowa Nzambi” pashishe mu katupa pa “Ngikadilu ya Yehowa.” Wimanyine pa ngikadilu iudi mupete mu dibala diebe dia Bible.